1 Samuel 9:20 - Chayahuita (Shahui)

²⁰ Moraroꞌsa ayatëramasopita marësoꞌ, ama huachi sëtëquësohuëꞌ. Nani quënanpi. Naporahuaton israiroꞌsanpoa yaꞌhuërëhuaquë, maꞌsha noya noyapiro nininsopitasoꞌ, quëmari huaꞌanëntaran. Quëmopinënpitarinta huaꞌanëntaponaꞌ, itërin.

1 Samuel 9:20 ပူးပေါင်းရင်းမြစ်များ

Colosenses 3:2

Ama maꞌsharáchin yonquicosohuëꞌ. Yosëꞌpaꞌ yaꞌhuërinsopita yonquirácoꞌ.

1 Samuel 10:16

—“Nani moraroꞌsa quënanpi huachi,” itërincoi topinan, itërin Saonori. “Copirno yaꞌconaran,” itërinsoso nipirinhuëꞌ, co shaꞌhuitërinhuëꞌ.

1 Samuel 12:13

Iporasoꞌ, copirno huayonamaso isëquë chachin nisarin. Copirno natanamasoꞌ, Sinioro acotërinquëma huachi.

1 Samuel 12:15

Co natëtatomarahuëꞌ camaitërinsopita aꞌpohuatamasoꞌ, inasoꞌ anaꞌintarinquëmaꞌ. Copirnonëmarë chachin anaꞌintarinquëmaꞌ.

1 Samuel 4:20

Noya huaiponahuëꞌ, chiminarinso niꞌsahuatonaꞌ, ahuaitoroꞌsari itaponaꞌ: “Ama paꞌyanquësohuëꞌ. Quëmapiaꞌhua huairan,” itopi. Itopirinahuëꞌ, inaso co manta pacaritërinhuë huachi.

1 Samuel 8:19

Samoirori napotopirinhuëꞌ, inapitaso co ina natëpihuëꞌ. Napoatona itaantaponaꞌ: —Ina nipirinhuë tëranta copirno nohuantërai. Aꞌnapita nacionoꞌsa pochin quiyanta huaꞌanënchincoi. Inapotatoncoi ahuëtaꞌhuaiso nipachina, quëpaꞌincoi, itopi.

1 Samuel 9:19

—Ca mini inaco. Inahuara nohuanton artaro acopiquë, huëco caꞌtancoi paꞌahuaꞌ. Inaquë ipora tahuëri coshatarihuaꞌ. Tashiraya tashíramiachin anitotaranquën maꞌsona yonquiransopita. Ina quëran yaꞌhuëramaquë paꞌsarama huachi.

1 Samuel 9:3

Aꞌna tahuëri Quisisoꞌ moranënpita sanapi nininsoꞌ ayarin. Napohuachina huiꞌnin Saono itërinsoꞌ itapon: —Paaton moraroꞌsa yoníconquëꞌ. Ina marëꞌ aꞌnara piyapinënpoa quëpaquëꞌ, itërin.