1 Samuel 9:10 - Chayahuita (Shahui)

¹⁰ Piyapinëni napotohuachina, Saonorisoꞌ itapon: —Noyapaꞌ. Paꞌa nipachin niꞌcontaꞌa, itërin. Ninapotatonaꞌ, cato chachin ninoton shaꞌhuinaꞌpi ninanonënquë paꞌsapi.

1 Samuel 9:10 ပူးပေါင်းရင်းမြစ်များ

1 Samuel 10:14

Nani inaquë nipachina apini natanin: —¿Intohuata paꞌsápiramahuëꞌ? itërin. Napotohuachina Saonori itapon: —Coꞌta moraroꞌsa yonípoi paꞌnai. Yonisápiraihuëꞌ co quënanatoirahuëꞌ, Samoiro nicapoi paꞌnai, itërin. —¿Maꞌta inaso shaꞌhuitërinquëmaꞌ? Shaꞌhuitoco canta nitochi, itaantarin apini.

1 Samuel 9:11

Ina ninanoquë pacacaiso marësoꞌ, panca panën paꞌtopi. Ina paꞌtasoi nanoꞌsa iꞌsha macacaiso marëꞌ oꞌmarapi nacapipi. Nacapirahuatonaꞌ: —¿Ninoton quënanaꞌpi yaꞌhuëárin ipora ninanoquë to? itopi.

1 Samuel 9:9

(Ipora iso quirica ninshitasoco huarëꞌ Samoiro pochin nipisopitasoꞌ pënëntonaꞌpi itërëhuaꞌ. Iráca chachinsoꞌ, co ina pochin nohuitopihuëꞌ. Ninoton shaꞌhuinaꞌpi itopi. Israiroꞌsa maꞌsona Yosëri anitotacaso nohuantohuachinara, ninapotopi: “Huëquë paꞌa ninoton shaꞌhuinaꞌpi natahuan,” niitopi.)