1 Samuel 8:9 - Chayahuita (Shahui)

⁹ Inapoaton nipachin nohuantopiso chachin nitëquëꞌ. Napoaponahuëꞌ coꞌhuara acochátëraponhuëꞌ, shaꞌhuitëquë maꞌpitasona copirnori nitacasoꞌ,” itërin.

1 Samuel 8:9 ပူးပေါင်းရင်းမြစ်များ

Ezequiel 3:18

Aꞌnaquën co noyahuëꞌ nininso marëꞌ: ‘Isosoꞌ, chiminacaso yaꞌhuërin,’ tosarahuë. Napotohuato, quëma nanan quëtaranquën co noyahuëꞌ nininsoꞌ aꞌpocaso marëꞌ shaꞌhuitaran. Natëhuachinquën co chiminaponhuëꞌ. Co shaꞌhuitohuatansohuëꞌ, tëhuënchachin chiminapon. Napoaponahuëꞌ, chimininso marëꞌ quëma naꞌintarinquën.

1 Samuel 10:25

Ina piquëran Samoirosoꞌ, onpopinsona copirno camaitacaso israiroꞌsa shaꞌhuitërin. Naporahuaton aꞌna soꞌnanpi quiricaquë ina ninshitërin. Nani ninshitahuaton Sinioro chinotacaso nëꞌmëtë pëiquë acorin. Ina piquëran yaꞌipi israiroꞌsa camairin yaꞌhuëpiꞌpaꞌ pacacaisoꞌ.

1 Samuel 12:1

Naporo tahuëri chachin Samoirori yaꞌipi israiroꞌsa inaquë nisapisoꞌ, itapon: —Niꞌcoꞌ. Iꞌhua natanamacoso chachin nani acotëranquëmaꞌ. Nani copirno huaꞌanëntiinquëmaso acorahuë.

1 Samuel 14:52

Saono huaꞌanëntapon, inaso sontaronënpitarë chachin huiristinoꞌsarëꞌ niahuërápi. Paꞌpi chiníquën ninoꞌhuitona niahuërápi. Napoaton Saonosoꞌ chiníquën nipisopita, chiníquën cancantopisopita, inapita huayonin. Yaꞌipi israiroꞌsa quëran huayonahuaton, sontaronënpita nicacaso marëꞌ acorin.

1 Samuel 2:13

Corto huaꞌanoꞌsa inachintopiso imatona isopopi: Israiroꞌsa Sinioro chinotacaiso marëꞌ maꞌsha tëpapi. Inapotahuatona co yaꞌipi Yosë marëꞌ ahuiquitohuachinarahuëꞌ, napopinchin capacaiso marëꞌ anpipi. Anpiasoiꞌ, corto huaꞌan piyapinëni huëcapairin. Panca insën pochin nininquë patoroitahuaton, corto huaꞌan marëꞌ nosha ocoirin. Inari Sinioro marëꞌ maꞌsha quëpisoꞌ tëpaton aꞌnotarin. Yaꞌipi Siroquë huëcatonaꞌ, maꞌsha Sinioro marëꞌ aꞌnopisopita inapotëraꞌpiapi.

1 Samuel 8:8

Iquipito quëran ocoirahuë quëran huarëꞌ israiroꞌsa nocaninaco. Quëma ipora nocaninënquënso pochachin canta nocanárinaco. Nisha nisha mamanshiroꞌsa moshacaiso marëꞌ aꞌporinaco.