1 Samuel 8:7 - Chayahuita (Shahui)

⁷ Samoirosoꞌ co noyahuëꞌ cancantopirinhuëꞌ, Siniorori itapon: “Ina nohuantopi niꞌquëhuarëꞌ, acotëquë nipachin. Co quëma nocaninënhuëꞌ. Ama cari huaꞌanëntaꞌhuaso marëhuëꞌ ca nocaninaco.

1 Samuel 8:7 ပူးပေါင်းရင်းမြစ်များ

Éxodo 16:8

Ina quëran Moisësë taantarin: —Iꞌhuanahuanquë Sinioro, nosha quëtarinquëma capamaso marëꞌ. Tashiramiachintaꞌ, huaꞌhuayátërahuë cosharo quëtarinquëmaꞌ. Nani nataninquëma pinoramaso niꞌton, napotarinquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itërin.

Ezequiel 3:7

Israiroꞌsaso nipirinhuëꞌ, co nohuantapihuëꞌ natëinënsoꞌ. Ca chachionta co nohuantopihuëꞌ natëinacoso niꞌton, napotarinën. Yaꞌipi inapitasoꞌ, co natantochináchinhuëꞌ cancantopi.

Números 22:20

Naporo tashi Siniorori yaꞌnotantarahuaton, itapon: —Quëma marëꞌ huëꞌpachinasoꞌ, imaquë nipachin. Napoaponahuëꞌ, maꞌsona nohuantërahuësoráchin quëmasoꞌ nisaran, itërin.

Mateo 10:40

Ina quëran pënëantarin: “Insosona noya natanpachinquëmaꞌ, noya natanarinaco cantaꞌ. Yosë aꞌpaimarinco niꞌton, Yosë nanamën chachin imasapi huachi.

Lucas 10:16

Ina quëran yaaꞌparinsopita itaantarin: “Iporasoꞌ pënëntacamaso marëꞌ aꞌpararanquëmaꞌ. Ca yaꞌhuërënamëhuë pënëntaramaꞌ. Noya natanpachinquëmaꞌ, natanarinaco cantaꞌ. Coꞌsoꞌ nohuantohuachinënquëmahuëꞌ, co cantaꞌ nohuantarinacohuëꞌ. Co nohuantohuachinacohuëꞌ, co Yosëntaꞌ nohuantapihuëꞌ,” itërin Quisosori. Itohuachina, paꞌpi huachi. Nisha nisha ninanoquë pënëntëraꞌpiapi.

Lucas 19:14

Piyapinënpitaso nipirinhuëꞌ co nohuantopihuëꞌ. Noꞌhuipi. Napoaton comisionënpita aꞌpapi copirno shaꞌhuitacaiso marëꞌ. ‘Ina quëmapi co nohuantëraihuëꞌ huaꞌanëntiincoisoꞌ. Ama acoquësohuëꞌ,’ itoonpi.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Juan 13:16

Tëhuënchachin iyaroꞌsaꞌ patronsoꞌ chiníquën nanantërin. Piyapinënpitaso nipirinhuëꞌ co ina pochin chiníquën nanantopihuëꞌ. Comisionëontaꞌ co huaꞌanën pochin chiníquën nanantërinhuëꞌ.

Jueces 8:23

Inariso napoaponahuëꞌ, itapon: —Co carima huaꞌanëntaranquëmahuëꞌ. Co huiꞌnahuëpita tëranta huaꞌanëntiinquëmaso yaꞌhuërinhuëꞌ. Sinioro chachin huaꞌanëntarinquëmasoꞌ.

1 Samuel 10:19

Iporaso napoaponahuëꞌ, nocanatomaco aꞌporamaco. Caso Yosënëmaco niꞌton, parisitërama quëran nichaꞌëranquëmaꞌ. Copirno huaꞌanëntiinquëmasoꞌ natanatomaco, naporamaꞌ. Iporaso nipirinhuëꞌ, nohuantëramaso chachin nitaranquëmaꞌ. Napoaton iporasoꞌ, niꞌtonëhuëquë aꞌna huënton aꞌna huënton yaꞌcaritocoꞌ. Huëntoaꞌhuaroꞌsantaꞌ, inapochachin nicatona yaꞌcarichinaꞌ,” tënin Yosë, itërin Samoirori.

1 Samuel 12:1

Naporo tahuëri chachin Samoirori yaꞌipi israiroꞌsa inaquë nisapisoꞌ, itapon: —Niꞌcoꞌ. Iꞌhua natanamacoso chachin nani acotëranquëmaꞌ. Nani copirno huaꞌanëntiinquëmaso acorahuë.

1 Samuel 12:12

Napoaponahuëꞌ, amonoꞌsa copirno Naasë itopiso yaahuërinquëmasoꞌ, natantëramaꞌ. Ina natantatomaꞌ, copirno acotaꞌhuanquëmaso natanamaco. Sinioro chachin copirnonënpoaso nipirinhuëꞌ, naporamaꞌ. Inaso Yosënënpoa chinotërëhuasoꞌ.

1 Samuel 8:8

Iquipito quëran ocoirahuë quëran huarëꞌ israiroꞌsa nocaninaco. Quëma ipora nocaninënquënso pochachin canta nocanárinaco. Nisha nisha mamanshiroꞌsa moshacaiso marëꞌ aꞌporinaco.