1 Samuel 8:18 - Chayahuita (Shahui)

¹⁸ Inapotohuachinënquëma aꞌna tahuëri co napion cancantaramaꞌ. Ina pochin ancantatomaꞌ, napotërinquëmaso marëꞌ Sinioro nontaramaꞌ. Naporo inasoꞌ, co tahuërëtarinquëmahuëꞌ, itërin.

1 Samuel 8:18 ပူးပေါင်းရင်းမြစ်များ

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Isaías 8:21

Inapoatona piyapiroꞌsa patë patë́rantaponaꞌ. Aparisitaponaꞌ, tana anatanaponaꞌ, napotaponaꞌ. Tana natanápachinaꞌ, noꞌhuitaponaꞌ. Noꞌhuitatonaꞌ, copirnonënaꞌ, yosënënaꞌ, inapita ama huachi noya yaꞌhuëcaiso marëhuëꞌ, shaꞌhuitaponaꞌ. Inápaquë nëꞌpëtahuatonaꞌ, catahuacaiso yonisapi.

Miqueas 3:4

Naporamaso marëꞌ aꞌna tahuëri maꞌsha onpoatoma nontaramaco. Nontopiramacohuëꞌ, co aꞌpaniaranquëmahuëꞌ. Paꞌpi co noyahuëꞌ ninamaso marëꞌ naꞌpitatë pochin nitaranquëmaꞌ,” itërin.

Lucas 13:25

Aꞌna tahuëri huaꞌanëni yaꞌcoananën oncotarin huachi. Naporo huarëꞌ aipiran huanirahuatomaꞌ, yayaꞌconpiramahuëꞌ. “Iꞌsoatocoi Sinioro,” tosapiramahuëꞌ, co nohuantarinhuëꞌ. “Co nohuitëranquëmahuëꞌ. Co canpitasoꞌ piyapinëhuëpitanquëmahuëꞌ,” itarinquëmaꞌ.