1 Samuel 8:15 - Chayahuita (Shahui)

¹⁵ Shaꞌtëramasopita nitërinsonta shonca costaro quëran aꞌna costarora mataponquëmaꞌ. Inapita huaꞌanoꞌsa quëtacaso marëꞌ mataponquëmaꞌ.

1 Samuel 8:15 ပူးပေါင်းရင်းမြစ်များ

Génesis 37:36

Ismairo nicatonoꞌsasoꞌ, Iquipitoquë camapi. Camahuachinara, Cosiso aꞌnara quëmapi Potihuaro itopisoꞌ, paꞌantopi. Inasoꞌ, Iquipito copirnori catahuacaso marëꞌ acorin. Capitan yaꞌconaton, copirno aꞌpaipisopita sontaroꞌsa camairin.

Daniel 1:18

Copirno tahuëri acorinso nanihuachina, yaꞌipi huiꞌnapiꞌsa Aspinari copirnoquë quëparin.

Daniel 1:3

Inaquë nipachina Napocotonosoꞌ, huaꞌanëntërinso pëiquë sacatopisopita huaꞌanën camairin: “Aspina. Israiro copirno quëmopinënpita quëran huiꞌnapiꞌsa huayonaton quëquëꞌ. Israiro huaꞌanoꞌsa quëmopinënpita quëraontaꞌ, quëquëꞌ. Noyapin noyapin niꞌtopisopita, co máquëna tëranta tëhuërinsohuëꞌ, yonquinahuanoꞌsa niꞌtonaꞌ, míso nonpisopita, nani maꞌsha nitotopisopita, huaꞌanëntërahuëso pëiquë sacatochináchin inashitopiso quëquëꞌ. Inapitasoꞌ, canpoa nanan aꞌchinchinaꞌ. Cartioroꞌsa nitotërinsoꞌ quiricaroꞌsantaꞌ, cara piꞌipi aꞌchinchinaꞌ. Aꞌchintasoiꞌ, ca caꞌnahuëso chachin inapitanta caꞌsapi. Ca huino oꞌorahuëso chachin oꞌosapi. Ina piquëran catahuainacoso marëꞌ acoarahuë,” itërin.

1 Samuel 8:14

Noꞌpanëma noya noya nininsopitanta matarinquëmaꞌ. Oparonëmaꞌ, oripororonëmaꞌ, inapita noya noyatërinsopita matarinquëmaꞌ. Matatënquëma catahuapisopita huaꞌanoꞌsa quëtapon.

1 Samuel 8:16

Naporahuaton piyapinëmaꞌ, quëmapiꞌsaꞌ, sanapiꞌsaꞌ, inapitanta mataponquëmaꞌ. Toronëmapita, moranëmapita, inapitanta matahuatënquëmaꞌ, inaora iminënpitaquë asacatapon. Pëꞌtahuanëmapitanta shonca quëran aꞌnara mataponquëmaꞌ. Canpitaora chachionta macatënquëmaꞌ, asacatáponquëmaꞌ.