1 Samuel 8:11 - Chayahuita (Shahui)

¹¹ —Copirno acotohuatënquëmaꞌ, isopotarinquëmaꞌ: Huiꞌnamapita masarin sontaronënpita nicacaiso marëꞌ. Aꞌnaquën ahuëtacaso toronanoꞌsaquë pacacaiso acoapon. Aꞌnaquëntaꞌ, cahuarioroꞌsaquë pacacaiso acoapon. Aꞌnaquëontaꞌ, inaora chachin aꞌpaicaiso marëꞌ acoapon.

1 Samuel 8:11 ပူးပေါင်းရင်းမြစ်များ

2 Samuel 15:1

Huaꞌquimiachin quëran Apësaronsoꞌ, aꞌnara ahuëtacaso toronan cahuarionënpitarë chachin paꞌanin. Naporahuaton aꞌnatërápo shonca sontaroꞌsantaꞌ, aꞌpairápaiso marëꞌ acorin.

1 Reyes 1:5

Naporo tahuëriꞌsa copirno huiꞌnin Atoniasë itopisosoꞌ, paꞌpin yayaꞌhuërëtaton: “Ca copirno nisarahuë,” tënin. (Inasoꞌ, Aquita itopisoꞌ huaꞌhuin.) Ina pochin yonquiaton naꞌamiachin ahuëtacaiso toronanoꞌsa paꞌanin. Cahuarioquë paꞌpisopita sontaroꞌsanta yaꞌhuëtërin. Aꞌpairápaiso marëntaꞌ, aꞌnatërápo shonca sontaroꞌsa ina marëꞌ acorin.

1 Reyes 10:26

Saromon toronanoꞌsa paꞌanahuaton, cahuarioquë paꞌnapiroꞌsanta camairin. Huaranca catapini pasa toronanoꞌsa yaꞌhuëtërin. Cahuarioquë paꞌnapiroꞌsanta shonca cato huaranca camairin. Inapitasoꞌ nisha nisha ninanoroꞌsaquë acorin. Ahuëtacaiso toronanoꞌsa acorinquë, acoraꞌpiarin. Napopinchin Quirosarinquë aꞌpaito sontaroꞌsa yaꞌhuërinquënta acorin.

1 Reyes 12:4

—Tatacosoꞌ, chini chiníquën asacatërincoi. Naporahuaton, copirno marëꞌ nininsoꞌ naꞌcon apahuërëtërincoi. Inapoatoi parisitërai. Quëmasoꞌ ipora sanoanan quëran camaicoi. Pahuërëtaꞌhuaisoꞌ nininsonta amashamiachin aꞌpamaquëꞌ. Inapohuatan, noya natëarainquën, itopi.

1 Reyes 18:46

Iniasësoꞌ, Siniorori achinirin. Aꞌmorinso amotoontarahuaton, sintoronquë noyá huëquëantërin. Inaporahuaton taꞌahuachina, Acapo naꞌhuëtërin. Inaꞌton Quisiriro ninanoquë canconin.

1 Samuel 10:25

Ina piquëran Samoirosoꞌ, onpopinsona copirno camaitacaso israiroꞌsa shaꞌhuitërin. Naporahuaton aꞌna soꞌnanpi quiricaquë ina ninshitërin. Nani ninshitahuaton Sinioro chinotacaso nëꞌmëtë pëiquë acorin. Ina piquëran yaꞌipi israiroꞌsa camairin yaꞌhuëpiꞌpaꞌ pacacaisoꞌ.

1 Samuel 14:52

Saono huaꞌanëntapon, inaso sontaronënpitarë chachin huiristinoꞌsarëꞌ niahuërápi. Paꞌpi chiníquën ninoꞌhuitona niahuërápi. Napoaton Saonosoꞌ chiníquën nipisopita, chiníquën cancantopisopita, inapita huayonin. Yaꞌipi israiroꞌsa quëran huayonahuaton, sontaronënpita nicacaso marëꞌ acorin.

1 Samuel 8:9

Inapoaton nipachin nohuantopiso chachin nitëquëꞌ. Napoaponahuëꞌ coꞌhuara acochátëraponhuëꞌ, shaꞌhuitëquë maꞌpitasona copirnori nitacasoꞌ,” itërin.