1 Samuel 7:9 - Chayahuita (Shahui)

^9-11 Samoirosoꞌ, aꞌnara carniroaꞌhuaya manin. Ina masahuaton, Sinioro marëꞌ tëparin. Inapotahuaton, yaꞌipimiachin ina marëꞌ ahuiquitërin. Ina quëran israiroꞌsa marëꞌ Sinioro nontërin. Nontohuachina inari aꞌpanirin. Carniroaꞌhuaya ahuiquitasoꞌ, huiristinoꞌsa canquirapi. Israiroꞌsa ahuëcaiso marëꞌ pashica taꞌsoi chachin, Sinioro nohuanton panca huira ahuëtërin. Ina natanatona paꞌpi paꞌyanpi. Israiroꞌsasoꞌ, aꞌnaroáchin Mispa quëran pipirahuatonaꞌ, huiristinoꞌsa taꞌarapiso ahuëconpi. Ahuërahuatona notohuaroꞌ inimicoroꞌsa tiquiipi. Piti-caro ninano itopiquë huarëꞌ inapotopi. Inapochin israiroꞌsari huiristinoꞌsa canapi huachi.

1 Samuel 7:9 ပူးပေါင်းရင်းမြစ်များ

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

Jueces 6:26

Iso motopiaꞌhua huiꞌnimotënꞌpaꞌ, aꞌnara artaro ca marëꞌ niquëꞌ. Caso Yosënënco niꞌto, inapoquëꞌ. Ina quëran toro manansoꞌ, tëpaquëꞌ. Inapotahuaton ina artaro aipi yaꞌipi ahuiquitëquëꞌ. Nara moshacaiso marëꞌ acopiso aꞌnëhuatan, pëꞌcha pëꞌchataran. Ina ihuë aipi acorahuaton yaꞌipi noyá ahuiquitëquëꞌ, itërin.

Jueces 6:28

Tahuëririnquë piyapiꞌsa capayatohuachinara, Paaro artaronën ohuatopinan niꞌconpi. Ina pirayan nara moshacaiso marëꞌ acopisontaꞌ, aꞌnërahuatona pëꞌcha pëꞌchatopi. Naporahuatona ina ihuëquë chachin, nasha artaroquë aꞌnara toro yaꞌipi ahuiquitopi.

1 Samuel 10:8

Naporahuaton Quiricaroquë quëchitaton paquëꞌ. Inaquë cantaꞌ, oshaquëranchin paꞌsarahuë. Inaquë Sinioro marëꞌ maꞌsharoꞌsa tëparahuato yaꞌipi ahuiquitarahuë. Aꞌnaquëontaꞌ, nanan anoyatërëhuaso marëꞌ maꞌsharoꞌsa tëparahuato, piꞌpian ahuiquitarahuë. Inaquë canchisë tahuëri ninaco. Cancona huarëꞌ ninaco. Naporoꞌ shaꞌhuitaranquën maꞌsona nicacaso yaꞌhuërinsoꞌ, itërin.

1 Samuel 12:17

Ipora tahuëriꞌsa trico macacaso tahuëri niꞌton, ¿co oꞌnaninhuëꞌ paꞌ? Napopirinhuë Yosë nontohuato, ina nohuanton huira, oꞌnan, inapita anotarin. Inapohuachin, Sinioro yonquirapirinquëmasoꞌ, nitotaramaꞌ: “Copirno acotiinpoaso natanatëhuaꞌ, paꞌpi co noyahuëꞌ ninëhuaꞌ,” tosaramaꞌ, itërin.

1 Samuel 16:2

—¿Onporahuatocha inapochi nicaya? ¡Ina marëꞌ paꞌsarahuësoꞌ Saono nitotohuachin tëpaponco! itërin. Napotohuachina, Siniorori itapon: —Aꞌnara ohuacaꞌhua macaton paquëꞌ. Inso tëranta maꞌmarësona paꞌsaransoꞌ natanpachinquën: “Iso ohuacaꞌhua tëpaato Yosë chinotaꞌhuaso marëꞌ huëꞌsarahuë,” itëquëꞌ.

1 Samuel 7:17

Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.

1 Samuel 9:12

—Yaꞌhuëárin mini. Napoaponahuëꞌ, nani yapaꞌsarin maꞌsha Sinioro marëꞌ tëpacaso nininsoꞌ, aꞌnopon. Inahuara nohuanton artaro acopiquë aꞌnopon paꞌsarin. Manon paꞌpatamaꞌ, quënancoanamaꞌ.