1 Samuel 7:6 - Chayahuita (Shahui)

⁶ Napotohuachinara, Mispaquë niyontonpi. Inaquë iꞌsha ocoipi. Sinioro aꞌnotacaiso marëꞌ ocoirahuatonaꞌ, noꞌpaquë opopi. Naporo tahuëri co manta coshatatonaraihuëꞌ Yosë chinotopi. Yaꞌipiya natantonënaquë co Sinioro natëtonaraihuëꞌ oshahuanpisoꞌ, shaꞌhuipi. Inaquë chachin Samoirosoꞌ, israiroꞌsa huaꞌan nicacasoꞌ caniaririn.

1 Samuel 7:6 ပူးပေါင်းရင်းမြစ်များ

Génesis 31:49

Naporahuaton Mispa itopi antaꞌ: “Nipatohuatë, co huachi niquënanarihuëꞌ. Napoaponahuëꞌ, Sinioro chachin niꞌinpoꞌ. Co insonta yaꞌhuërëquë naporëso niꞌpirinpohuëꞌ, Yosë chachin niꞌinpoꞌ. Napoaton ama huiꞌnahuëpita noꞌhuiton aparisitëquësohuëꞌ. Ama aquëtë chachin sanapiꞌsa maantaquësohuëꞌ. Ina marëꞌ Yoscoarëꞌ taꞌton shaꞌhuitoco,” itërin. Ina naporinso marëꞌ ina pochin ina noꞌpaꞌ nohuitopi.

1 Reyes 8:47

Tapona quëpapisoꞌ noꞌpaquë, chinotatënën: ‘Tëhuënchachin co noyahuëꞌ ninai. Ina nipirinhuëꞌ, oshanëhuëi inquitatoncoi catahuacoi,’ itapënën.

Nehemías 9:27

Napoaton inimiconënapitari canaipi. Inapitari huaꞌanëntatona aparisitopi. Parisitatona nontohuachinën, quëmarisoꞌ nosoroantaran. Inápa quëran natanahuaton, catahuaran. Quëma nohuanton huaꞌanoꞌsa huanipi. Aparisitopisopita aꞌpacaiso marëꞌ huanipi.

Copo naporinso' 3:24

Co napion natanato tarëtárahuë co capahuaso tëranta yonquirahuëꞌ. Naꞌnërápato co yamoro manincohuëꞌ.

Copo naporinso' 42:6

Napoaton co noya yonquiatohuëꞌ nonahuëso marëꞌ tapanahuë. Amocan, huarianoꞌ, inaquëpita huënsëato nonahuëso marëꞌ sëtërahuë. Ama huachi ina yonquiquësohuëꞌ, tënahuë,” itërin.

Salmos 119:136

Quëma aꞌchinansopita co piyapiꞌsa natëpihuëꞌ. Ina marëꞌ sëtato naꞌnërárahuë.

Salmos 42:3

Nani tahuëri piyapiꞌsa tëhuarinaco: “¿Inso huachi Yosë chinotëransoꞌ?” itërinaco. Napotërinacoso marëꞌ tahuëri tashirë chachin sëtato naꞌnërahuë.

Jeremías 31:19

Quëma aꞌporainquënso marëꞌ parisitatoi, nirótërai. “Tëhuënchachin oshahuancoi,” taꞌtoi, motoꞌ sëꞌmorai. “Maꞌhuantacha ninai paya,” taꞌtoi tapanai. Huiꞌnapitohuatëra yatëhuërëso pochin nicatoi, tëhuërai niꞌton, parisitërai,’ itarinaco.

Jeremías 36:9

Coaquin copirno yaꞌconinsoꞌ, aꞌnatërápo piꞌipi, iscon yoqui nisarin. Naporo tahuëri ayono nicacaiso marëꞌ camaitopi niꞌton, Sinioro marëꞌ niyontonpi. Yaꞌipi Quirosarin yaꞌhuëhuanoꞌsaꞌ, Cota huënton ninanoroꞌsaquë yaꞌhuëpisopita, inapita Yosë chinotacaso pëiquë niyontonpi.

Jeremías 9:1

Maꞌcha inotëro parti yaꞌhuëcaꞌhuaso marëꞌ pëi yaꞌhuëtërincohuë paya. Inaquë paꞌsahuato yaꞌhuëꞌitohuëꞌ. Israiroꞌsasoꞌ quëmopinëhuëpita nipirinhuëꞌ, pachitohuëꞌ. Yaꞌipiya quëran inahuasoꞌ, co Yosëíchin cancantopihuëꞌ. Nonpintahuatona patopi. Inapitasoꞌ quëmopinëhuëpita nipirinahuëꞌ, naꞌcon taquiapi niꞌton, tahuëri tashirë chachin naꞌnëi, topirahuë. ¡Iꞌsha paꞌirinsoꞌ, huinan, inapita pochin yaꞌpiratërahuë naporini, noya noya niitonhuëꞌ!

Oseas 5:1

Naquëranchin Siniorori piyapinënpita itapon: “Corto huaꞌanoꞌsanquëmaꞌ, yaꞌipi Israiro huaꞌanoꞌsanquëmaꞌ, copirnonta quëmopinënpitarë chachin, yaꞌipinquëma natanco shaꞌhuichinquëmaꞌ: ‘Canpitaso piyapinëhuëpita anishacancantërama niꞌton, Mispa ninanoquë pëcotan acoatë pochin ninamaꞌ. Taporo motopiquënta huënson acoatë pochin ninamaꞌ. Sitin motopianaquëpita noꞌpaꞌ ihuarahuatomaꞌ, pëcotan acoatë pochin ninamaꞌ. Ina marëꞌ anaꞌintaꞌhuanquëmaso yaꞌhuërin,’ tënahuë.

Joel 2:12

Sinioroso nipirinhuëꞌ, tapon: “Yaꞌipi cancanëma quëran casáchin chinotoco. Ayono nicatoma chiníquën nontoco. Oshanëma yonquiatoma naꞌnëcoꞌ,” tënin.

Levítico 16:29

Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Pascoa tahuëriꞌsa naꞌhuërin quëran huarëꞌ canchisë yoqui pichiaramaꞌ. Naporo yoqui shonca tahuëri nanihuachin, Sinioro marëꞌ chinotaramaꞌ. Co manta sacatamaso yaꞌhuërinhuëꞌ. Co nisharoꞌsa yacaparinquëmasopita tërantaꞌ, sacatapihuëꞌ. Naporo tahuëri co manta coshatapomarahuëꞌ, yonquiaramaco.

Lucas 15:18

Paato, tatahuë nonchi: “Co noyahuëꞌ tata ninahuë. Nonpintëranquën. Co Yosë natëtohuëꞌ, oshahuanahuë.

Jueces 2:4

Sinioro anquëninëni napotërinsoꞌ natanahuatonaꞌ, yaꞌipi israiroꞌsaso naꞌnëmiatopi.

1 Samuel 1:15

—Co apiya noꞌpirahuëꞌ. Co huino oꞌorahuëꞌ. Co maꞌsha tëranta main nininsoꞌ oꞌoporahuëꞌ, co napion ancantato Yosë nontarahuë. Parisitërahuësoꞌ Sinioro shaꞌhuitarahuë.

1 Samuel 10:17

Ina piquëran Samoiro yaꞌipi israiroꞌsa amatërin: “Huëco Mispaquë Sinioro chinotahuaꞌ,” taꞌton amatërin.

1 Samuel 12:10

Inapotohuachinara, Sinioro aꞌpopiso yonquiantapi: “Sinioro, aꞌpoatëinquën nisha nisha mamanshiroꞌsa mosharaiso marëꞌ oshahuanai. Paaro, Asotariti, inapita mamanshiroꞌsa nonanpiso moshapiraihuëꞌ, ina aꞌpoarai. Ina aꞌpoatoi, quëmasáchin chinotarainquën. Nosoroatoncoi inimiconëhuëipita quëran nichaꞌëcoi,” itopi.

1 Samuel 7:15

Samoirosoꞌ chiminaquë huarëꞌ israiroꞌsa huaꞌanëntërin.