1 Samuel 7:5 - Chayahuita (Shahui)

⁵ Ina piquëran Samoirosoꞌ comisionoꞌsa aꞌparin: “Yaꞌipi israiroꞌsanpoa Mispaquë pacatëhua niyontoanhuaꞌ. Inaquë Samoiro canpoa marëꞌ Yosë nontarin, itocoꞌ,” itërin.

1 Samuel 7:5 ပူးပေါင်းရင်းမြစ်များ

Génesis 20:7

Iporaso nipirinhuëꞌ, soꞌin chachin quëtaantaquëꞌ. Inaso pënëntonaꞌpi niꞌton, quëma marëꞌ nontarinco. Ama chiminamaso marëhuëꞌ, nontarinco. Coꞌsoꞌ quëtaantahuatanhuëꞌ, saꞌan, huiꞌnanpita, inapitarëꞌquën chachin, taꞌhuantaran,” itërin huëꞌënquë.

Génesis 31:49

Naporahuaton Mispa itopi antaꞌ: “Nipatohuatë, co huachi niquënanarihuëꞌ. Napoaponahuëꞌ, Sinioro chachin niꞌinpoꞌ. Co insonta yaꞌhuërëquë naporëso niꞌpirinpohuëꞌ, Yosë chachin niꞌinpoꞌ. Napoaton ama huiꞌnahuëpita noꞌhuiton aparisitëquësohuëꞌ. Ama aquëtë chachin sanapiꞌsa maantaquësohuëꞌ. Ina marëꞌ Yoscoarëꞌ taꞌton shaꞌhuitoco,” itërin. Ina naporinso marëꞌ ina pochin ina noꞌpaꞌ nohuitopi.

2 Reyes 25:23

Cota huënton sontaro huaꞌanoꞌsasoꞌ, ina natantopi. Ina natantatonaꞌ, sontaroꞌsarë chachin Mispaquë Quitariasë paapapi. Aꞌnaso huaꞌan, Ismairo itopi. Inasoꞌ, Nitaniasë huiꞌnin. Aꞌnantaꞌ, Coanan itopi. Inasoꞌ, Cario huiꞌnin. Aꞌnantaꞌ, Siraiasë itopi. Inasoꞌ, Tanomito huiꞌnin. Tanomitosoꞌ, Nitopa ninanoquë yaꞌhuërin. Aꞌnantaꞌ, Caasaniasë itopi. Inasoꞌ, Maaca huiꞌnin.

Nehemías 9:1

Naporoꞌ yoquiquë cato shonca catapini tahuëritahuasoꞌ, israiroꞌsaso naquëranchin niyontoantapi. Saꞌcatën aꞌmosahuatonaꞌ, moꞌshiquë nisëꞌmomotopi. Inapoatona co coshatatonaraihuëꞌ Yosë nontopi.

Oseas 5:1

Naquëranchin Siniorori piyapinënpita itapon: “Corto huaꞌanoꞌsanquëmaꞌ, yaꞌipi Israiro huaꞌanoꞌsanquëmaꞌ, copirnonta quëmopinënpitarë chachin, yaꞌipinquëma natanco shaꞌhuichinquëmaꞌ: ‘Canpitaso piyapinëhuëpita anishacancantërama niꞌton, Mispa ninanoquë pëcotan acoatë pochin ninamaꞌ. Taporo motopiquënta huënson acoatë pochin ninamaꞌ. Sitin motopianaquëpita noꞌpaꞌ ihuarahuatomaꞌ, pëcotan acoatë pochin ninamaꞌ. Ina marëꞌ anaꞌintaꞌhuanquëmaso yaꞌhuërin,’ tënahuë.

Joel 2:16

Yaꞌipi Yosë piyapinënpita ayontoncoꞌ. Ina camaitërinso nicatomaꞌ, Sinioro marëꞌ nitapacoꞌ. Mashoyaroꞌsaꞌ, paiyaroꞌsaꞌ, huaꞌhuaroꞌsaꞌ, shoꞌshopiaꞌhuaroꞌsa quëran huarëꞌ, quëinaꞌ. Nasha nimapisopitantaꞌ, quëhuënpisoꞌ patoana huëshirahuatonaꞌ, huëꞌinaꞌ.

1 Samuel 10:17

Ina piquëran Samoiro yaꞌipi israiroꞌsa amatërin: “Huëco Mispaquë Sinioro chinotahuaꞌ,” taꞌton amatërin.

1 Samuel 12:17

Ipora tahuëriꞌsa trico macacaso tahuëri niꞌton, ¿co oꞌnaninhuëꞌ paꞌ? Napopirinhuë Yosë nontohuato, ina nohuanton huira, oꞌnan, inapita anotarin. Inapohuachin, Sinioro yonquirapirinquëmasoꞌ, nitotaramaꞌ: “Copirno acotiinpoaso natanatëhuaꞌ, paꞌpi co noyahuëꞌ ninëhuaꞌ,” tosaramaꞌ, itërin.

1 Samuel 12:23

Caso nipirinhuëꞌ, canpita marëꞌ orarahuësoꞌ, co tananpitapohuëꞌ. Tananpitohuatosoꞌ, Sinioro co natëtohuëꞌ oshahuanarahuë. Naporahuaton carima aꞌchintáponquëma noya nicatoma noꞌtëquën ina imacamaso marëꞌ.

1 Samuel 7:12

Ina quëran Samoirosoꞌ, panca naꞌpi macacaiso camaitërin. Ina macatona Mispa quëran Sën itopiso motopiaꞌhuayaquë ira paꞌninsoꞌ huáncana acorin. Ina naꞌpi acorinsoꞌ, aninihuanin: “Ipini-sëri,” itërin. “Isëquë huarëꞌ Sinioro catahuarinpoaꞌ,” tapon ina pochin nohuitërin.

1 Samuel 7:16

Nani piꞌiquë Pitiriquë, Quiricaroquë, Mispaquë, inaquëpita paꞌsárin. Israiroꞌsa catahuacaso marëꞌ inaquëpita paꞌsárin.

1 Samuel 7:4

Napotohuachina, israiroꞌsaso nisha nisha mamanshiroꞌsa Paaro nonanpisoꞌ tëꞌyatopi. Asotariti itopisonta nonanpisoꞌ tëꞌyatopi. Inapita tëꞌyatahuatona Sinioroíchin chinotopi huachi.

1 Samuel 8:6

Napotohuachinara, Samoiroso co noyahuëꞌ cancantërin. Copirno nohuantopiso marëꞌ naporin. Napoaton Sinioro nontërin: “Israiroꞌsaꞌ, copirno acotaꞌhuaso nataninaco,” itërin.