1 Samuel 7:17 - Chayahuita (Shahui)

¹⁷ Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.

1 Samuel 7:17 ပူးပေါင်းရင်းမြစ်များ

Génesis 33:20

Ina piquëran Cacoposoꞌ, Yosë chinotacaso marëꞌ aꞌnara artaro ninin. Ina nisahuaton aninihuanin: Ir Iroi Israiro, itërin.

Génesis 35:7

Inaquë canconahuaton, artaro ninin huachi. Inaquë Yosë chinotërin niꞌton, ina roꞌtë aninihuanin: “Iri Pitiri” itërin. Iráca iin tëꞌhuataton taꞌananpihuachina, inaquë chachin Yosëri huëꞌënquë yaꞌnotërin niꞌton, napo nohuitërin.

Jueces 4:5

Inasoꞌ sanapi aꞌnara palmera tashinantërinquë yáhuënsërin. Huënsëyantërinquë niꞌton: “Tipora palmeranën,” itopi nohuitatonaꞌ. Iprain huënton israiroꞌsa noꞌpanën motopitontarinꞌpaꞌ yaꞌhuërin. Pitiri quëran Nama ninanoꞌpaꞌ ira paꞌninsoꞌ huáncana yaꞌhuërin. Israiroꞌsa nanan yaꞌhuëtohuachinara anoyatacaiso marëꞌ inaquë paapapi.

Jueces 6:24

Napotohuachina Quitionosoꞌ aꞌnara artaro inaquë ninin. Sinioro chinotacaso marëꞌ ninin. Nani nisahuaton aninihuanin: “Sinioro asanocancaninpoaꞌ,” itërin. Ina artarosoꞌ, iso quirica ninshitasoco huarënta yaꞌhuërarin. Opra ninanoquë yaꞌhuërarin. Inaquësoꞌ, Apisiro huëntonaꞌhua israiroꞌsa yaꞌhuëpi.

1 Samuel 1:1

Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 11:15

Napotohuachina, yaꞌipi israiroꞌsa inatohua paꞌpi. Inaquë nipachina, Sinioro chinotacaso marëꞌ nëꞌmëtë pëi nipiso notënanquë niyontonpi. Niyontonatonaꞌ: “¡Saono huaꞌanëntërinpoa huachi!” topi chiníquën nonatonaꞌ. Ina quëran Sinioro chinotacaiso marëꞌ maꞌsharoꞌsa tëpapi. Nanan anoyatërëso marëꞌ itopisoꞌ. Inapoaton Saono capa cancantërin. Aꞌnapita israiroꞌsanta capa cancantopi.

1 Samuel 14:35

Saononta Sinioro chinotacaso marëꞌ aꞌnara artaro ninin. Ina artarosoꞌ, Saono yaꞌnan nininsoꞌ.

1 Samuel 15:34

Ina piquëran Samoirosoꞌ Naama ninanoquë paꞌnin. Inaquë yaꞌhuërin niꞌton, inaquë paꞌnin. Yaꞌhuërëꞌ Saononta yaꞌhuërinquë paꞌnin. Shaꞌhuitëranquëmaso chachin Saonosoꞌ Quipiaquë yaꞌhuërin.

1 Samuel 2:11

Ina quëran Iricanasoꞌ, saꞌinpita, huiꞌninpita, inapitarë chachin Nama ninanoquë paantarin. Huaꞌhuashaso nipirinhuëꞌ, inaranchin quëparitërin. Iri corto huaꞌani maꞌsona camairinso nicaton, Sinioro marëꞌ sacatarin.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.

1 Samuel 8:4

Napoaton Israiro ansianoꞌsa niyontonpi. Naporahuatonaꞌ, Samoiro nontacaiso marëꞌ Namaquë paꞌpi. Quënanconahuatona itaponaꞌ: “Nani quëmasoꞌ mashotëran. Napoaton co huachi nanitaranhuëꞌ huaꞌqui huaꞌanëntancoisoꞌ. Huiꞌnanpita mini acopiranhuëꞌ, inahuaso co quëma pochin nipihuëꞌ. Napoaton aꞌnara copirno acotocoi camaiincoiso marëꞌ. Aꞌnapita nacionoꞌsa napopiso pochachin quiyanta yaninai,” itopi.

1 Samuel 9:12

—Yaꞌhuëárin mini. Napoaponahuëꞌ, nani yapaꞌsarin maꞌsha Sinioro marëꞌ tëpacaso nininsoꞌ, aꞌnopon. Inahuara nohuanton artaro acopiquë aꞌnopon paꞌsarin. Manon paꞌpatamaꞌ, quënancoanamaꞌ.