1 Samuel 7:16 - Chayahuita (Shahui)

¹⁶ Nani piꞌiquë Pitiriquë, Quiricaroquë, Mispaquë, inaquëpita paꞌsárin. Israiroꞌsa catahuacaso marëꞌ inaquëpita paꞌsárin.

1 Samuel 7:16 ပူးပေါင်းရင်းမြစ်များ

Génesis 28:19

Inaquë chachin iráca aꞌna ninano yaꞌhuërin. Noso itopisoꞌ. Ina pochin nohuitopirinahuëꞌ, Cacopori nisha nininën acotaton, Pitiri itërin.

Génesis 35:6

Cacoposoꞌ huëntonënë chachin, paꞌsápatonaꞌ, Noso ninanoquë canconpi. (Ina ninanosoꞌ, Pitiri itopi antaꞌ, Canaan parti yaꞌhuërin.)

Oseas 5:1

Naquëranchin Siniorori piyapinënpita itapon: “Corto huaꞌanoꞌsanquëmaꞌ, yaꞌipi Israiro huaꞌanoꞌsanquëmaꞌ, copirnonta quëmopinënpitarë chachin, yaꞌipinquëma natanco shaꞌhuichinquëmaꞌ: ‘Canpitaso piyapinëhuëpita anishacancantërama niꞌton, Mispa ninanoquë pëcotan acoatë pochin ninamaꞌ. Taporo motopiquënta huënson acoatë pochin ninamaꞌ. Sitin motopianaquëpita noꞌpaꞌ ihuarahuatomaꞌ, pëcotan acoatë pochin ninamaꞌ. Ina marëꞌ anaꞌintaꞌhuanquëmaso yaꞌhuërin,’ tënahuë.

Amós 5:5

Naquëranchin Sinioro taantarin: “Ama Pitiriquë moshatamaso marëꞌ pacosohuëꞌ. Ina ninanosoꞌ, ataꞌhuantaponaꞌ. Co Quiricaroquë tëranta moshatamaso marëꞌ pacamaso yaꞌhuërinhuëꞌ. Inaquë yaꞌhuëpisopitasoꞌ, onpopionta inimicoroꞌsari aꞌna noꞌpaꞌpaꞌ quëpaponaꞌ. Co Piirsipa ninanoquë tëranta moshatamaso marëꞌ paacamaso yaꞌhuërinhuëꞌ,” tënin.

Josué 5:10

Israiroꞌsasoꞌ inaquëranchin yaꞌhuëasoiꞌ, pascoa pita naꞌhuëpi. Catapini tahuëri pochin inaquë yaꞌhuëasoiꞌ, iꞌhuanahuanquë nispiratapi. Quiricarosoꞌ, Quirico ninano canonamatëquë yaꞌhuërin.

Josué 5:9

Naporoꞌ Siniorori Cosoi itapon: Iquipitoroꞌsa marëꞌ israiroꞌsa sacatatonaꞌ, taparo nisápirinahuëꞌ, cari inquitërahuë huachi. Iporasoꞌ marcahuanatonaꞌ, co huachi taparo nipihuëꞌ. Napoaton ina roꞌtësoꞌ, Quiricaro, itopi.

Jueces 5:10

Aꞌnaquëmasoꞌ, huiri moraroꞌsaquë paꞌnamaꞌ. Noya huënsënanoꞌsaquë aꞌnaquëmanta huënsëramaꞌ. Aꞌnaquëmaso nipirinhuëꞌ, topinan ira paꞌtëramaꞌ. Naporamasopita yaꞌipinquëma shaꞌhuicoꞌ. Pëꞌtahuaroꞌsa iꞌsha oꞌopiquë huaꞌna shari shari piꞌniatomaꞌ: “Ma noyacha Siniorosoꞌ minsëtërin paya,” tocoꞌ. Israiro ninanoaꞌhuaroꞌsaquë minsëtërinsoꞌ yonquiatomaꞌ, inapocoꞌ.

1 Samuel 10:17

Ina piquëran Samoiro yaꞌipi israiroꞌsa amatërin: “Huëco Mispaquë Sinioro chinotahuaꞌ,” taꞌton amatërin.

1 Samuel 11:14

Samoironta yaꞌipi israiroꞌsa itapon: —Huëco paꞌahua Quiricaroquë. Inaquë Saono caniaritarin huaꞌanëntiinpoasoꞌ, itërin.

1 Samuel 7:5

Ina piquëran Samoirosoꞌ comisionoꞌsa aꞌparin: “Yaꞌipi israiroꞌsanpoa Mispaquë pacatëhua niyontoanhuaꞌ. Inaquë Samoiro canpoa marëꞌ Yosë nontarin, itocoꞌ,” itërin.