1 Samuel 6:5 - Chayahuita (Shahui)

⁵ Napoaton oro quëran piꞌpirëhuasopita nonahuan. Naníquënpoa caniotëhua piꞌpi piꞌpi niconëhua niꞌton, napoaꞌahuaꞌ. Shoꞌmiroꞌsanta nonahuan. Inapitanta yaꞌhuërëhuaso noꞌpaꞌ tapiarin niꞌton, nonahuan. Ina quëran israiroꞌsa Yosë chinotopisoꞌ, noya nicatëhua quëtahuaꞌ. Tapona inapotërëhuaso marëꞌ anaꞌintërinpoasoꞌ, yatananpitápirinpoahuëꞌ. Mamanshinënpoaꞌ, noꞌpanënpoaꞌ, inapitanta yatananpitápirinhuëꞌ.

1 Samuel 6:5 ပူးပေါင်းရင်းမြစ်များ

Salmos 32:4

Tahuëri tashirë chachin anaꞌintëranco niꞌton, quëquën pëꞌpëto quëparëso pochin ninatanahuë. Piꞌisahuachina pasto yanirinso pochin Co huachi manta chinirahuë ninatanahuë.

Salmos 66:3

“Nani maꞌsha acoransopitasoꞌ, paꞌyápiro ninan. Chini chiníquën nanantëran niꞌton, inimiconënpita tëꞌhuatatënën, anotatonaꞌ: ‘Tomonca,’ tëcaponaꞌ.

Éxodo 12:12

Naporo tashi chachin yaꞌipi Iquipito roꞌtë paꞌtato, iquipitoroꞌsa paninanëna tëpaarahuë. Pëꞌtahuaroꞌsanta quëmapi nininso yaꞌnan huaꞌhuatopisopita, tëpaarahuë. Caso Sinioroco niꞌto, naporahuëso chachin nisarin. Iquipitoroꞌsa inapotohuato, mamanshinëna atapanarahuë.

Éxodo 8:17

Yosëri camairinso chachin, Moisësë, Aaron, inapita nipi. Aaroni noꞌpaquë amocan yaꞌhuërinsoꞌ, ahuërin. Inapohuachina, yaꞌipi Iquipitoquë amocan yaꞌhuërinsoꞌ, ico taranin. Naꞌasahuatonaꞌ, piyapiꞌsaꞌ, maꞌsharoꞌsaꞌ, inapita shiꞌshirapi huachi.

Éxodo 8:24

Shaꞌhuitërinso chachin, Yosë ninin. Paꞌpi notohuaroꞌ tonca anaꞌatahuaton, aꞌparin. Copirno, ina catahuapisopita huaꞌanoꞌsaꞌ, piyapinënpita, inapita pëinënaquë yaꞌconpi. Yaꞌconatonaꞌ, aparisitapi. Yaꞌipi Iquipito parti yanquëatona tapipi huachi.

Éxodo 8:5

Napotërinso chachin Moisësësoꞌ paaton copirno nontoonin. Nontopirinhuëꞌ, co yanatëtërinhuëꞌ. Napoaton Yosëri camairin: “Aaron shaꞌhuitëquë huaranën iiroꞌsaquë ihuëꞌin. Iꞌshanaroꞌsaꞌ, sonoroꞌsaquë, inaquëpita huarira pipicaso marëꞌ ihuëꞌin. Ina quëranpita pipitona yaꞌipi Iquipito parti yanquërapi,” itërin.

Isaías 42:12

“¡Ma noyacha Sinioroso paya!” taꞌtonaꞌ, Marë yonsanquë yaꞌhuëpisopita ina chinochinaꞌ.

Joel 2:25

Ina quëran Sinioro taantarin: “Sëquërëroꞌsa aꞌpatáponquëmaꞌ, naꞌa piꞌipi co manta manamahuëꞌ. Inapitasoꞌ sontaroꞌsa huënton ataꞌhuantacaiso marëꞌ aꞌpapiso pochin carima aꞌpatëranquëmaꞌ. Ina piꞌipiroꞌsaquë co manta manamasohuëꞌ iꞌhuërëtaꞌhuanquëmaso marëꞌ naꞌcon naꞌcon quëtaantaponquëmaꞌ.

Jonás 3:9

Tapona Sinioro nosoroatonpoaꞌ, noꞌhuirinpoaso asanoápirinhuëꞌ. Inapohuachin, co tëpaonpoahuëꞌ,” tënin.

Malaquías 2:2

Canpitasoꞌ, natëamacoso yaꞌhuërin: ‘Yaꞌipi cancanënpoa quëran Sinioro noya nicatëhua natëcaso yaꞌhuërin,’ tëcatoma natëco. Coꞌsoꞌ inapoatamahuëꞌ, ama huachi noya yaꞌhuëcamaso marëhuëꞌ, shaꞌhuitaranquëmaꞌ. Canpitasoꞌ, co yaꞌipi cancanëma quëran noya nicatomaco natëamacoso yonquiramahuë niꞌton, co noyahuëꞌ niꞌsaranquëmaꞌ. Corto huaꞌanoꞌsanquëma niꞌton, noya nininso maꞌpatëramasopita co huachi noya yaꞌhuëcamaso catahuarinquëmahuëꞌ. Inapotohuato, maꞌsha onpotarinënquëmaꞌ. Ipora chachin nani inapotaranquëmaꞌ. Co noya nicatomaco natëramacoso marëhuëꞌ, inapotaranquëma huachi. Caso Sinioroco yaꞌipi nanitapato, shaꞌhuitaranquëmaꞌ.

Juan 9:24

Ina quëran huiꞌnin amatantapi. —Yosë niꞌsarinquën niꞌquëhuarëꞌ, noꞌtëquën shaꞌhuitocoi. Quisososoꞌ co noyahuëꞌ niꞌton, oshahuanin, tënai, itopi.

Apocalipsis 11:13

Naporo chachin panca ocohua paꞌsarin. Paꞌpachina, notohuaroꞌ pëiroꞌsaꞌ ohuatarin. Canchisë huaranca piyapiꞌsaꞌ chiminapi huachi. Aꞌnapitasoꞌ paꞌpi tëꞌhuatapi. “Yosë nohuanton, naporin. ¡Maꞌpitacha nanitaparin paya!” tosapi.

Apocalipsis 14:7

—Yosë tëꞌhuatatomaꞌ, natëcoꞌ. Anaꞌintacasoꞌ tahuëri nani naniriarin niꞌton, inasáchin imacoꞌ. Yaꞌipi isoroꞌpaꞌ, inápaquë yaꞌhuërinsoꞌ, marë, iiroꞌsaꞌ, yaꞌipiya ninin niꞌton, chinotocoꞌ, itarin anquëniri chiníquën nontaton.

Apocalipsis 16:9

Panca huëyaponaraihuë, co nirotapihuëꞌ. Yosë noꞌhuitonaꞌ, pinosapi: “Sopai pochin cancantaton, aparisitarinpoaꞌ niꞌsora,” tosapi. Parisitaponaraihuëꞌ, co nohuantapihuëꞌ oshanënaꞌ aꞌpocaisoꞌ. Co Yosë yayonquiapihuëꞌ.

1 Samuel 5:11

Siniorori inahuanta chiníquën aparisitarin. Paꞌpi parisitatonaꞌ: “Taquiarihua canpoasoꞌ,” topi. Ina tëꞌhuatatonaꞌ, huaꞌanëni aꞌnapita huiristino huaꞌanoꞌsa amatërin. Canquihuachinara itapon: “Israiroꞌsa Yosë chinotopiso caposonën, isëran quëpacoꞌ. Yaꞌhuërinquë chachin quëpanantacoꞌ. Ama yaꞌipinpoa tiquiinpoaso marëhuëꞌ inapotocoꞌ,” itërin.

1 Samuel 5:9

Quëpapirinahuëꞌ, Siniororiso ina ninanoquë yaꞌhuëpisopita yaꞌhuërëꞌ, chiníquën anaꞌintërin. Huaꞌhuaroꞌsa quëran mashoroꞌsaquë huarëꞌ panca piꞌpiraꞌpiapi. Inapoatona chiníquën parisitapi. Napoaton inahuanta panca paꞌyanpi.

1 Samuel 6:8

Ina quëran Yosë caposonën masahuatomaꞌ, toronanquë aꞌmitocoꞌ. Aꞌna caconquëntaꞌ, oro quëran nonanamasopita Sinioro aꞌnotamaso marëꞌ acocoꞌ. Ama huachi aquëtë chachin noꞌhuitonpoa anaꞌintiinpoaso marëhuëꞌ, ina quëran pahuërëtatë pochin nisarëhuaꞌ. Inantaꞌ, masahuatoma toronanquë aꞌmitocoꞌ. Nani aꞌmitëhuatamaꞌ, ohuacaroꞌsa toronanquë aꞌsontëramasoꞌ, aꞌpaco inahuara quëpaꞌinaꞌ.