1 Samuel 6:20 - Chayahuita (Shahui)

²⁰ Naporoꞌ yonquiatona napopi: “Yosëso noyasáchin ninin. Napoaton tëhuërinsopitasoꞌ, inari anaꞌintëraꞌpiacaso yaꞌhuërin. ¿Intohuacha iporasoꞌ Siniororëꞌquënpoa anoyatërëhuaso caposonën aꞌpaꞌahua nicaya? Coꞌsoꞌ inapohuatëhuahuëꞌ, caposonën tëhuëtaantahuatëhuaꞌ, anaꞌintaantarinpoaꞌ,” topi.

1 Samuel 6:20 ပူးပေါင်းရင်းမြစ်များ

2 Samuel 6:7

Siniororiso napoaponahuëꞌ, naporinso marëꞌ Osa paꞌpi noꞌhuirin. Noꞌhuiton inaquë chachin tëparin. Caposonën pirayan anotaton chiminin.

2 Samuel 6:9

Naporo tahuëri Tapisoꞌ Sinioro paꞌpi tëꞌhuatërin. Tëꞌhuataton chiníquën nonin: “¡Siniororëꞌquënpoa anoyatërëhuaso caposonën co onporo quëpaꞌhuaso yaꞌhuërinhuëꞌ!” tënin.

Malaquías 3:2

Ina oꞌmahuachinso napoaponahuëꞌ, ¡co insoari tërantaꞌ, chinitacaso nanitaponhuëꞌ! ¡Naporosoꞌ, yaꞌipinquëma tëhuëramaso anitotarinquëmaꞌ! Huaꞌna pënquë asoquirahuatonaꞌ, nëꞌhuëtërinso inquitopi. Inapochachin canpitantaꞌ, co noyahuëꞌ ninamaso inquitarinquëmaꞌ. Shapon nëꞌhuë inquitërinso pochin oshanëma inquitarinquëmaꞌ.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

Lucas 8:37

Natanahuatonaꞌ, yaꞌhuëhuanoꞌsasoꞌ paꞌpi tëꞌhuatopi. Tëꞌhuatatonaꞌ, Quisoso itopi: “Aꞌna parti paquë,” itopi. Itohuachinara, potiquë yaꞌcoantarin.

Apocalipsis 6:17

Nani anaꞌintacasoꞌ tahuëri nanirin. Anaꞌintohuachincoi, co insonta nanitarinhuë ina chinitacasoꞌ, tosapi.

1 Samuel 5:7

Parisitatona inahuasoꞌ: “Israiroꞌsa Yosë chinotopiso caposonën aꞌpaꞌahuaꞌ. Inaso chini chiníquën anaꞌintarinpoaꞌ. Mamanshinënpoa Tacon itërëhuasontaꞌ, chiníquën anaꞌintarin,” topi.