1 Samuel 6:2 - Chayahuita (Shahui)

² Napohuachina inahuasoꞌ, corto huaꞌanoꞌsaꞌ, pënotonoꞌsaꞌ, inapita ayontonpi. Huëꞌpachinara itaponaꞌ: ¿Onpotahuata Sinioro caposonën? ¿Onpo aꞌpamantaꞌahuataꞌ? itopi.

1 Samuel 6:2 ပူးပေါင်းရင်းမြစ်များ

Génesis 41:8

Tashiramiachin huaraonsoꞌ huaꞌnarinso yonquiaton, co napion cancantërin. Napoaton piyapinënpita camairin yaꞌipi Iquipito noꞌpaquë ninotonaꞌpiroꞌsa huëcacaiso marëꞌ. Quirica nitotoroꞌsanta amatërin. Inapita huëꞌpachinara, huaꞌnarinsoꞌ shaꞌhuitërin. Shaꞌhuitopirinhuëꞌ, co incari tëranta nanitërinhuëꞌ maꞌsona tapon huaꞌnarinso shaꞌhuitacaisoꞌ.

Éxodo 7:11

Copirnoso nipirinhuëꞌ, nitotonoꞌsaꞌ, pënotonoꞌsaꞌ, inapita amatërin. Inapitanta pënotatonaꞌ, inachachin nicacaiso marëꞌ amatërin.

Isaías 2:6

(-)

Daniel 2:2

Napohuachina, magiaroꞌsa amatërin. Ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, inapitanta amatërin. Maꞌsona tapon huaꞌnarinsopita shaꞌhuitacaiso marëꞌ naporin. Napoaton yaꞌipi inapitari paapapi. Naporo inasoꞌ: —Huëꞌëhuëquë maꞌsha quënanahuë. Napoaporahuëꞌ, maꞌsona tapon huaꞌnarahuëso co nitotatohuëꞌ, yonquirárahuë, itërin.

Daniel 5:7

Ina quëran ninotonaꞌpiroꞌsaꞌ, quirica nitotoroꞌsaꞌ, tayora nitotoroꞌsaꞌ, inapita quëcacaiso marëꞌ chiníquën camaitërin. Huëꞌpachinara: —Inso tëranta pasoꞌ ninshitopisoꞌ nontaton, maꞌsona tapon naporinso shaꞌhuitohuachinco, copirnoroꞌsa aꞌmorinsoanpi aaꞌmotarahuë. Oro quëran catina nipisoꞌ apëꞌpëconotarahuë. Naporahuaton ca pochin nanantacaso marëꞌ aꞌna huaꞌaniáchini yaꞌcopiarin, tënin.

Mateo 2:4

Copirno paꞌyanaton, cotio maistroꞌsaꞌ, corto huaꞌanoꞌsaꞌ, inapita amatërin. Amatahuaton, natanin. —¿Insëquëtaꞌ Cristo Yosëri aꞌpaimarinsoꞌ nasitapon? itërin.

1 Samuel 5:8

Napoaton huaꞌanëni, aꞌnapita huiristino huaꞌanoꞌsa amatërin. Huëꞌpachinara itapon: —Israiroꞌsa Yosë chinotopiso caposonën ¿maꞌta onpotahuaꞌ? itërin. —Cato ninanoquë quëpacoꞌ, itopi inapitari. Napohuachinara, aꞌnaquëni ina ninanoquë quëpapi.

1 Samuel 6:1

Sinioro caposonënsoꞌ, canchisë yoqui huiristinoꞌsa noꞌpanënaquë yaꞌhuërin.