1 Samuel 6:17 - Chayahuita (Shahui)

¹⁷ Huiristinoꞌsa aꞌnatërápo ninano yaꞌhuëtopi: Asototo, Casa, Asocaron, Cato, Icoron, inapita. Inapita ninanoroꞌsa huaꞌanënpitasoꞌ, aꞌnaya aꞌnaya pipipisopita oro quëran nonanpi. Nonanatonaꞌ, pahuërëtërëso pochin nitacaiso marëꞌ, Sinioro marëꞌ acopi.

1 Samuel 6:17 ပူးပေါင်းရင်းမြစ်များ

2 Samuel 1:20

Amana Cato ninanoquë ina nanan shaꞌhuicosohuëꞌ. Asocaron cachiroꞌsaquëntaꞌ, ama ina nitochinasohuëꞌ. Huiristino sanapiꞌsa nitotatona capa cancantohuachinaꞌ. Inpio sanapiroꞌsa niponaraihuëꞌ, capa cancantohuachinaꞌ.

Amós 1:6

Ina quëran Sinioro taantarin: “Casa ninanoquë yaꞌhuëpisopitantaꞌ, paꞌpi co noyahuëꞌ nipi. Naꞌa ninanoroꞌsaquë yaꞌhuëpisopita minsërahuatonaꞌ, itomoroꞌsa yaꞌhuëpiquë quëpapi. Inaquë inapitari asacatacaiso marëꞌ paꞌanconpi. Napoaton Casaquë yaꞌhuëpisopita anaꞌintaꞌhuaso yaꞌhuërin.

Amós 6:2

Paapahuachinara, huaꞌanoꞌsari: “Carini ninanoquë paꞌsahuatomaꞌ, onpopinsona yaꞌhuëhuanoꞌsa yaꞌhuëpisoꞌ, niꞌconcoꞌ. Ina quëran Amato ninanoquë paantacoꞌ. Inasoꞌ, panca ninanoꞌ. Amato quëran Cato ninanoquë paꞌmantacoꞌ. Inasoꞌ, huiristinoꞌsa ninanonënaꞌ. Inaquëpita paꞌsahuatomaꞌ, onpopinsona yaꞌhuëpisoꞌ, niꞌconcoꞌ. ¡Inapita ninanoroꞌsasoꞌ, co Israiro noꞌpaquë pochin yaꞌhuëpihuëꞌ! ¡Apinapichin noꞌpaquë yaꞌhuëpi!” itopi.

Jueces 14:19

Naporoꞌ Sinioro ispiritonëni Sanson yaꞌcoancantërin. Yaꞌcoancantohuachina, Ascaron ninano itopiquë paꞌnin. Inaquë paꞌsahuaton cara shonca yaꞌhuëhuanoꞌsa tëparahuaton aꞌmopiso ocoitëraꞌpiarin. Ina quëparahuaton canapiso marëꞌ pahuërëtërin. Ninocaiso nanan noꞌtëquën shaꞌhuipiso marëꞌ Sansonsoꞌ nihuitërin niꞌton, ina pochin pahuërëtërin. Ina piquëran Sansonsoꞌ paꞌpi noꞌhuitahuaton, paꞌpin, aꞌshin, inapita yaꞌhuërinquë panantarin. Co sanapi ichiyaꞌhuëyátërasohuëꞌ, panantarin.

Jueces 16:1

Aꞌna tahuëri Sansonsoꞌ, Casa ninano itopiquë paꞌnin. Inaquë aꞌnara monshihuantë sanapi quënanin. Quënanaton pëinënquë huëꞌëpacaso marëꞌ yaꞌconaparin.

Jueces 16:21

Naporoꞌ huiristinoꞌsari mapi huachi. Masahuatona papoirayatopi. Ina quëran Casa ninanoquë quëpapi. Inaquë shaꞌpi huaꞌna catinaquë catinaquëtopi. Inapotahuatona tashinan pëiquë pëꞌsanto raꞌpi masho ohuërërápaso marëꞌ acopi.

1 Samuel 5:1

Ipini-sëriquë Yosë caposonën macatona huiristinoꞌsasoꞌ, Asototo ninano itopiquë quëpapi.

1 Samuel 5:10

Naporoꞌ aꞌnaquëni, Icoron ninano itopiquë Yosë caposonën quëpaantapi. Inaquë quëꞌcanpachinara yaꞌipi ina ninanoquë yaꞌhuëpisopita chiníquën noncaropi: “¡Israiroꞌsa Yosë chinotopiso caposonën quëshiantërinënpoaꞌ! ¡Yaꞌipinpoa tiquiinpoaso marëꞌ napotarinënpoaꞌ!” topi.

1 Samuel 5:8

Napoaton huaꞌanëni, aꞌnapita huiristino huaꞌanoꞌsa amatërin. Huëꞌpachinara itapon: —Israiroꞌsa Yosë chinotopiso caposonën ¿maꞌta onpotahuaꞌ? itërin. —Cato ninanoquë quëpacoꞌ, itopi inapitari. Napohuachinara, aꞌnaquëni ina ninanoquë quëpapi.

1 Samuel 6:4

—Noꞌhuirinpoasoꞌ acopitacaso marëꞌ: ¿Maꞌta nipachin aꞌnotahuaꞌ? taantahuachinara: —Aꞌnatërápo huaꞌanoꞌsanënpoapita yaꞌhuëpi. Napoaton oro quëran nipinan, aꞌnatërápo piꞌpirëhuaso pochin nonanatëhuaꞌ, quëtahuaꞌ. Aꞌnaya aꞌnaya marëꞌ aꞌnara quëtahuaꞌ. Ina nápo chachin shoꞌminta nonanpinan quëtahuaꞌ. Inapitanta oro quëran chachin nipinan. Huaꞌanënpoapitarë chachin inapita quëran anaꞌintarinpoa niꞌton, inapotahuaꞌ.