1 Samuel 6:14 - Chayahuita (Shahui)

¹⁴ Aꞌnara yaꞌhuëhuan Cosoi itopisoꞌ iminënquë toronansoꞌ canquihuachina, inaquë chiniconin. Panca naꞌpi inaquë yaꞌhuërinso pirayan chiniconin. Naporoꞌ yaꞌhuëhuanoꞌsari, toronan pëꞌshatona ihuë atarantopi. Cato ohuacaroꞌsanta tëpapi. Inapotahuatona ina ihuëquë chachin Sinioro marëꞌ yaꞌipi ahuiquitopi.

1 Samuel 6:14 ပူးပေါင်းရင်းမြစ်များ

1 Reyes 19:21

Napotohuachina, paꞌsahuaton cato chachin toro asacatërinsoꞌ, tëpaconin. Ina anpicaso marëntaꞌ, nararoꞌsa oyoninsoꞌ manin. Inaquë nosha anpihuachina, caꞌpi. Nani caꞌpachinara, paꞌpin, aꞌshin, inapita, nontërin. Inapotahuaton, Iniasë imarin. Imaton, ina marëꞌ sacatërin.

Éxodo 20:24

Chinotamacoso marëꞌ artaro yanipatamaꞌ, noꞌpa quëran nicoꞌ. Inaquë oshanëma marëꞌ pëꞌtahuanëmaꞌ tëparamasoꞌ, yaꞌipi ahuiquitocoꞌ. Nanan anoyatërëhuaso marënta tëparamasoꞌ, inaquë chachin piꞌpian ahuiquitocoꞌ. Insëquësona chinotamacoso huayonahuëquë inapohuatamaꞌ, noya niꞌsaranquëmaꞌ. Oꞌmarahuato, nani maꞌsha ninamaquë catahuamiataranquëmaꞌ.

Jueces 6:26

Iso motopiaꞌhua huiꞌnimotënꞌpaꞌ, aꞌnara artaro ca marëꞌ niquëꞌ. Caso Yosënënco niꞌto, inapoquëꞌ. Ina quëran toro manansoꞌ, tëpaquëꞌ. Inapotahuaton ina artaro aipi yaꞌipi ahuiquitëquëꞌ. Nara moshacaiso marëꞌ acopiso aꞌnëhuatan, pëꞌcha pëꞌchataran. Ina ihuë aipi acorahuaton yaꞌipi noyá ahuiquitëquëꞌ, itërin.

1 Samuel 11:5

Naporoꞌ Saononta imin quëran huënantárin. Tororoꞌsa asacatërin quëran quënantárin. Piyapiꞌsa naꞌnërapisoꞌ natanaton, natantërin: —¿Maꞌta onpoatona naꞌnërantapisoꞌ? tënin. Napohuachina Capisë quëran huëcatona nanan quëpisoꞌ aꞌnari shaꞌhuitërin.

1 Samuel 6:13

Naporoꞌ aꞌnaquën Piti-simisi israiroꞌsaꞌ, motopianaquë trico masapi. Sinioro caposonën nicatonaꞌ, capa cancantopi.

1 Samuel 6:18

Oro quëran shoꞌmiroꞌsa nonanpisopitantaꞌ, nápo chachin acopi. Aꞌnatërápo yaꞌhuërin niꞌton, ina nápo acopi. Aꞌnaquën ninanoroꞌsasoꞌ, pairahuan nipi. Aꞌnaquën ninanoaꞌhuaroꞌsasoꞌ, co pairahuanhuëꞌ nipi. Panca naꞌpi aipi naporo Yosë caposonën acopi. Ina naꞌpisoꞌ, ipora iso quirica ninshitasoco huarënta yaꞌhuëárin. Piti-simisi ninano yaꞌcariꞌ, Cosoi iminënquë yaꞌhuëárin.