1 Samuel 6:12 - Chayahuita (Shahui)

¹² Nani aꞌmitëhuachinara, ohuacaroꞌsasoꞌ toronanë chachin aꞌpapi huachi. Aꞌpahuachinara, inapitasoꞌ Piti-simisi ira patatonaꞌ: “Maaa,” tërëꞌnachin noꞌtëquën paꞌsapi. Aꞌnatërápo huiristino huaꞌanoꞌsasoꞌ, Piti-simisiroꞌsa noꞌpanëna nanirinquë huarëꞌ imaquipi.

1 Samuel 6:12 ပူးပေါင်းရင်းမြစ်များ

Éxodo 8:15

Napoaponahuëꞌ, Yosë naporinso chachin nani huarira inquitohuachina copirnosoꞌ, Moisësë, Aaron, inapita co natërinhuëꞌ. Co natantochináchinhuëꞌ cancantaton co israiroꞌsa yaaꞌparinhuëꞌ.

Números 20:19

Itohuachina, israiroꞌsari noya shaꞌhuitërin: —Tëquën irasáchin paꞌtarai. Papoi pochin oꞌocaꞌhuaiso marëꞌ pëshonpatoi, pahuërëarainquën. Pëꞌtahuanëhuëipita oꞌorinso marëntaꞌ, pahuërëarainquën. Topinan naꞌhuëcaꞌhuaiso marëꞌ napotarainquën, itopi.

1 Samuel 6:11

Sinioro caposonëonta masahuatonaꞌ, toronanquë aꞌmitëpi. Shoꞌmiroꞌsaꞌ, piꞌpiroꞌsaꞌ, inapita oro quëran nonanpisontaꞌ, caconquë poꞌmorahuatonaꞌ, toronanquë aꞌmitëpi.

1 Samuel 6:13

Naporoꞌ aꞌnaquën Piti-simisi israiroꞌsaꞌ, motopianaquë trico masapi. Sinioro caposonën nicatonaꞌ, capa cancantopi.

1 Samuel 6:9

Napoaponahuëꞌ, insëchinsona ohuacaroꞌsa paꞌsapisoꞌ niꞌcoꞌ. Noꞌpanënpoa notënanquë Israiro ninano Piti-simisi itopiso yaꞌhuërin. Inaso ninanoꞌ, Sinioro caposonën noꞌpanënquë chachin yaꞌhuërin. Ina parti paꞌpachin, noꞌtëquën yonquiarihuaꞌ: “Tëhuënchachin Sinioro nohuanton maꞌsha onporëhuaꞌ,” tëcarihuaꞌ. Napoaponahuëꞌ, ohuacaroꞌsaso huaꞌhuina yonquiatonaꞌ, tënpaanquë paꞌpachinaꞌ: “Co Sinioro nohuanton maꞌsha onporëhuahuëꞌ, topinan naporëhuaꞌ,” tëcarihuaꞌ, itopi.