1 Samuel 6:11 - Chayahuita (Shahui)

¹¹ Sinioro caposonëonta masahuatonaꞌ, toronanquë aꞌmitëpi. Shoꞌmiroꞌsaꞌ, piꞌpiroꞌsaꞌ, inapita oro quëran nonanpisontaꞌ, caconquë poꞌmorahuatonaꞌ, toronanquë aꞌmitëpi.

1 Samuel 6:11 ပူးပေါင်းရင်းမြစ်များ

2 Samuel 6:3

Apinatapo itopisosoꞌ, motopiaꞌhua huiꞌnimotënꞌpaꞌ pëinën yaꞌhuëtërin. Inaquë canconahuatonaꞌ, aꞌnaquëni Siniororë anoyatopiso caposonën ocoiconpi. Ina quëran nasha toronan nininquë aꞌmitëpi. Cato torori ina toronansoꞌ ohuarararin. Apinatapo huiꞌninpitari ótëërapi. Inapitasoꞌ Aiyo, Osa, inapita. Aiyosoꞌ, quëchitërarin. Osasoꞌ, piquëran paꞌsarin.

1 Samuel 6:10

Napotohuachinara, huiristinoꞌsasoꞌ ina inachachin nipi. Cato ohuaca huaꞌhuanshiron mapi. Huaꞌhuinpitasoꞌ, tënpaanaquë oncorapipi. Napotahuatonaꞌ, aꞌshinasoꞌ toronan ohuaracaiso marëꞌ aꞌsonpi.

1 Samuel 6:12

Nani aꞌmitëhuachinara, ohuacaroꞌsasoꞌ toronanë chachin aꞌpapi huachi. Aꞌpahuachinara, inapitasoꞌ Piti-simisi ira patatonaꞌ: “Maaa,” tërëꞌnachin noꞌtëquën paꞌsapi. Aꞌnatërápo huiristino huaꞌanoꞌsasoꞌ, Piti-simisiroꞌsa noꞌpanëna nanirinquë huarëꞌ imaquipi.

1 Samuel 6:4

—Noꞌhuirinpoasoꞌ acopitacaso marëꞌ: ¿Maꞌta nipachin aꞌnotahuaꞌ? taantahuachinara: —Aꞌnatërápo huaꞌanoꞌsanënpoapita yaꞌhuëpi. Napoaton oro quëran nipinan, aꞌnatërápo piꞌpirëhuaso pochin nonanatëhuaꞌ, quëtahuaꞌ. Aꞌnaya aꞌnaya marëꞌ aꞌnara quëtahuaꞌ. Ina nápo chachin shoꞌminta nonanpinan quëtahuaꞌ. Inapitanta oro quëran chachin nipinan. Huaꞌanënpoapitarë chachin inapita quëran anaꞌintarinpoa niꞌton, inapotahuaꞌ.