1 Samuel 6:10 - Chayahuita (Shahui)

¹⁰ Napotohuachinara, huiristinoꞌsasoꞌ ina inachachin nipi. Cato ohuaca huaꞌhuanshiron mapi. Huaꞌhuinpitasoꞌ, tënpaanaquë oncorapipi. Napotahuatonaꞌ, aꞌshinasoꞌ toronan ohuaracaiso marëꞌ aꞌsonpi.

1 Samuel 6:10 ပူးပေါင်းရင်းမြစ်များ

Génesis 33:13

Napotohuachina, Cacoporiso itapon: —Tëhuënchachin iya masho nosoroatonco napotëranco. Nipirinhuëꞌ huiꞌnahuëpita huaꞌhuaroꞌsaráchin. Ohuicaroꞌsaꞌ, ohuacaroꞌsaꞌ, inapitanta nasha huaꞌhuatopiso yaꞌhuërin. Manon quëpahuatësoꞌ, aꞌna tahuëri marëáchin nanitërin, ohuicaꞌhuaroꞌsa taquicaisoꞌ.

1 Reyes 18:44

Canchisëro paꞌninquë, piyapinënsoꞌ shaꞌhuiintarin: —¡Marë quëran imira napapi chitoro pipiarin quënanahuë! itintarin. Naporoꞌ huaꞌanëni camaiantarin: —Paaton Acapo shaꞌhuitonquë toronanën cahuarionënpitaquë aꞌtënchin. Inaporahuaton aꞌnaroáchin paꞌin. Coꞌhuara chiníquën oꞌnani yaꞌshopiara, itërin.

1 Samuel 6:11

Sinioro caposonëonta masahuatonaꞌ, toronanquë aꞌmitëpi. Shoꞌmiroꞌsaꞌ, piꞌpiroꞌsaꞌ, inapita oro quëran nonanpisontaꞌ, caconquë poꞌmorahuatonaꞌ, toronanquë aꞌmitëpi.

1 Samuel 6:9

Napoaponahuëꞌ, insëchinsona ohuacaroꞌsa paꞌsapisoꞌ niꞌcoꞌ. Noꞌpanënpoa notënanquë Israiro ninano Piti-simisi itopiso yaꞌhuërin. Inaso ninanoꞌ, Sinioro caposonën noꞌpanënquë chachin yaꞌhuërin. Ina parti paꞌpachin, noꞌtëquën yonquiarihuaꞌ: “Tëhuënchachin Sinioro nohuanton maꞌsha onporëhuaꞌ,” tëcarihuaꞌ. Napoaponahuëꞌ, ohuacaroꞌsaso huaꞌhuina yonquiatonaꞌ, tënpaanquë paꞌpachinaꞌ: “Co Sinioro nohuanton maꞌsha onporëhuahuëꞌ, topinan naporëhuaꞌ,” tëcarihuaꞌ, itopi.