1 Samuel 5:9 - Chayahuita (Shahui)

⁹ Quëpapirinahuëꞌ, Siniororiso ina ninanoquë yaꞌhuëpisopita yaꞌhuërëꞌ, chiníquën anaꞌintërin. Huaꞌhuaroꞌsa quëran mashoroꞌsaquë huarëꞌ panca piꞌpiraꞌpiapi. Inapoatona chiníquën parisitapi. Napoaton inahuanta panca paꞌyanpi.

1 Samuel 5:9 ပူးပေါင်းရင်းမြစ်များ

Amós 5:19

Paꞌpiniꞌ taꞌananpiapomarahuëꞌ, tocaniꞌ yaꞌhuërëꞌ nacapiantarinso pochin cancantapomaꞌ. Aꞌnaquëonta pëinënquë yaꞌconahuaton, pairaquë pisanaso chachin yaꞌhuanarinso pochin cancantapomaꞌ.

1 Samuel 12:15

Co natëtatomarahuëꞌ camaitërinsopita aꞌpohuatamasoꞌ, inasoꞌ anaꞌintarinquëmaꞌ. Copirnonëmarë chachin anaꞌintarinquëmaꞌ.

1 Samuel 5:10

Naporoꞌ aꞌnaquëni, Icoron ninano itopiquë Yosë caposonën quëpaantapi. Inaquë quëꞌcanpachinara yaꞌipi ina ninanoquë yaꞌhuëpisopita chiníquën noncaropi: “¡Israiroꞌsa Yosë chinotopiso caposonën quëshiantërinënpoaꞌ! ¡Yaꞌipinpoa tiquiinpoaso marëꞌ napotarinënpoaꞌ!” topi.

1 Samuel 5:11

Siniorori inahuanta chiníquën aparisitarin. Paꞌpi parisitatonaꞌ: “Taquiarihua canpoasoꞌ,” topi. Ina tëꞌhuatatonaꞌ, huaꞌanëni aꞌnapita huiristino huaꞌanoꞌsa amatërin. Canquihuachinara itapon: “Israiroꞌsa Yosë chinotopiso caposonën, isëran quëpacoꞌ. Yaꞌhuërinquë chachin quëpanantacoꞌ. Ama yaꞌipinpoa tiquiinpoaso marëhuëꞌ inapotocoꞌ,” itërin.

1 Samuel 5:6

Ina piquëran Siniorori Asototoquë yaꞌhuëpisopita anaꞌintaton paꞌpi aꞌpayanin. Inainpichin noꞌpaquë yaꞌhuëpisopitanta napotërin. Panca piꞌpiraꞌpiatona parisitápi.

1 Samuel 6:11

Sinioro caposonëonta masahuatonaꞌ, toronanquë aꞌmitëpi. Shoꞌmiroꞌsaꞌ, piꞌpiroꞌsaꞌ, inapita oro quëran nonanpisontaꞌ, caconquë poꞌmorahuatonaꞌ, toronanquë aꞌmitëpi.

1 Samuel 7:13

Ina pochin israiroꞌsari huiristinoꞌsa canapi. Napoatona inahuasoꞌ, israiroꞌsa noꞌpanënaquë co huachi aquëtë ahuëtacaiso nohuantopihuëꞌ. Samoiro nanpisoꞌ, Siniorori israiroꞌsa catahuarin.