1 Samuel 5:7 - Chayahuita (Shahui)

⁷ Parisitatona inahuasoꞌ: “Israiroꞌsa Yosë chinotopiso caposonën aꞌpaꞌahuaꞌ. Inaso chini chiníquën anaꞌintarinpoaꞌ. Mamanshinënpoa Tacon itërëhuasontaꞌ, chiníquën anaꞌintarin,” topi.

1 Samuel 5:7 ပူးပေါင်းရင်းမြစ်များ

2 Samuel 6:9

Naporo tahuëri Tapisoꞌ Sinioro paꞌpi tëꞌhuatërin. Tëꞌhuataton chiníquën nonin: “¡Siniororëꞌquënpoa anoyatërëhuaso caposonën co onporo quëpaꞌhuaso yaꞌhuërinhuëꞌ!” tënin.

Éxodo 10:7

catahuapisopita huaꞌanoꞌsari copirno itaponaꞌ: “¡Ama huachi ina quëmapi aquëtë huarëꞌ aparisitápainpoaso nohuantahuasohuëꞌ! ¡Nani yaꞌipi yaꞌhuërëhuaso noꞌpaꞌ, Yosëri tapiarin huachi! Aꞌpaquë huachi paaton israiroꞌsapitarë chachin Yosë chinochin,” itopi.

Éxodo 12:33

Iquipitoroꞌsantaꞌ: “Yaꞌipicoi chiminapoi nimara,” taꞌtonaꞌ, israiroꞌsa amanorapi.

Éxodo 8:28

—Inta nipachin. Inotëro parti pacoꞌ, inaquë Yosënëma chinotocoꞌ. Napoaponahuëꞌ, ama coꞌchachin áquë pacosohuëꞌ. Nisahuaton ca marëꞌ Yosë nontocoꞌ, tënin.

Éxodo 8:8

Copirnoso nipirinhuëꞌ, Moisësë, Aaron, inapita amatahuaton itapon: —Sinioro nontoco huariraroꞌsa inquichincoi, co huachi ahuantëraihuëꞌ. Inquitohuachincoi naporo huarëꞌ ina chinotacaso marëꞌ israiroꞌsa aꞌparahuë, itërin.

1 Samuel 4:8

Inasoꞌ Yosë, chini chiníquën nanantërin. Inari iquipitoroꞌsa inotëro parti ataꞌhuantërin. Nisha nisha maꞌsha onpotaton tiquirin. ¿Inta iporasoꞌ ina quëran nichaꞌëinpoa? ¡Maꞌhuantacha canpoasoꞌ nisarëhua paya!

1 Samuel 5:6

Ina piquëran Siniorori Asototoquë yaꞌhuëpisopita anaꞌintaton paꞌpi aꞌpayanin. Inainpichin noꞌpaquë yaꞌhuëpisopitanta napotërin. Panca piꞌpiraꞌpiatona parisitápi.

1 Samuel 5:8

Napoaton huaꞌanëni, aꞌnapita huiristino huaꞌanoꞌsa amatërin. Huëꞌpachinara itapon: —Israiroꞌsa Yosë chinotopiso caposonën ¿maꞌta onpotahuaꞌ? itërin. —Cato ninanoquë quëpacoꞌ, itopi inapitari. Napohuachinara, aꞌnaquëni ina ninanoquë quëpapi.

1 Samuel 6:20

Naporoꞌ yonquiatona napopi: “Yosëso noyasáchin ninin. Napoaton tëhuërinsopitasoꞌ, inari anaꞌintëraꞌpiacaso yaꞌhuërin. ¿Intohuacha iporasoꞌ Siniororëꞌquënpoa anoyatërëhuaso caposonën aꞌpaꞌahua nicaya? Coꞌsoꞌ inapohuatëhuahuëꞌ, caposonën tëhuëtaantahuatëhuaꞌ, anaꞌintaantarinpoaꞌ,” topi.