1 Samuel 5:3 - Chayahuita (Shahui)

³ Tahuëririnquë tashíramiachin moshatopiso pëiquë paꞌpachinara, mamanshinënasoꞌ anotërin niꞌconpi. Sinioro caposonën notënanquë chachin anotaton quëhuëánin niꞌconpi. Napohuachina panca paꞌyanpi. Ahuanirahuatonaꞌ, acopiquë chachin acoantapi.

1 Samuel 5:3 ပူးပေါင်းရင်းမြစ်များ

1 Reyes 18:26

Napotohuachina inahuasoꞌ, aꞌnara toroaꞌhua huayonpi. Ina tëparahuatona artaro aipi acopi. Inapotahuatona tashiramiachin quëran camotëchin huarëꞌ Paaro nontápi: “¡Paaro aꞌpanicoi!” tosápi. Napoapona pochin, artaro conitatona pashi pashitërapi. Napopirinahuëꞌ co aꞌpanitërinhuëꞌ.

Salmos 115:7

Imirahuanaponaraihuëꞌ, co nanitopihuëꞌ sëꞌquëtacaisoꞌ. Nantëhuanaponaraihuëꞌ, co nanitopihuëꞌ iratacaisoꞌ. Co conopiranëna tëranta irininhuëꞌ.

Éxodo 12:12

Naporo tashi chachin yaꞌipi Iquipito roꞌtë paꞌtato, iquipitoroꞌsa paninanëna tëpaarahuë. Pëꞌtahuaroꞌsanta quëmapi nininso yaꞌnan huaꞌhuatopisopita, tëpaarahuë. Caso Sinioroco niꞌto, naporahuëso chachin nisarin. Iquipitoroꞌsa inapotohuato, mamanshinëna atapanarahuë.

Isaías 40:20

“Nara quëran nii,” topachinantaꞌ, onëhuan nininso nara huayonin. Inaporahuaton noyá nitotërinso patëtonaꞌpi, yonirin. Inari noyá payontohuachina, co anotërinhuëꞌ.

Isaías 41:7

Nara patëtonaꞌpiri, nitapacaisoꞌ ninaꞌpi achinicancanin. Marticho quëran papincatonaꞌpintaꞌ, papiotiinanquë sacatonaꞌpi achinicancanin: “Nani noyá achinpitërëhuaꞌ,” itërin. Napotahuaton naoquë mamanshi noyá payontërin. Chiníquën huanicaso marëꞌ napotërin.

Isaías 46:7

Ina quëran pitënahuatonaꞌ, acopiquë acocaiso marëꞌ quëpapi. Inapotohuachinara, inaquëranchin yaꞌhuëárin. Chiníquën nontopirinahuëꞌ, co aꞌpanitërinhuëꞌ. Parisitatona co napion ancantopirinahuëꞌ, co nanitërinhuë nichaꞌëcasoꞌ.

Marcos 3:11

Sopairoꞌsari yaꞌcoancantërinsopitantaꞌ huëꞌpi. Quisoso quënanahuatonaꞌ, nocotapataquëchin isonquipi. —¡Quëmasoꞌ Yosë huiꞌninquën! itopi chiníquën nontatonaꞌ.

1 Samuel 6:1

Sinioro caposonënsoꞌ, canchisë yoqui huiristinoꞌsa noꞌpanënaquë yaꞌhuërin.

1 Samuel 6:5

Napoaton oro quëran piꞌpirëhuasopita nonahuan. Naníquënpoa caniotëhua piꞌpi piꞌpi niconëhua niꞌton, napoaꞌahuaꞌ. Shoꞌmiroꞌsanta nonahuan. Inapitanta yaꞌhuërëhuaso noꞌpaꞌ tapiarin niꞌton, nonahuan. Ina quëran israiroꞌsa Yosë chinotopisoꞌ, noya nicatëhua quëtahuaꞌ. Tapona inapotërëhuaso marëꞌ anaꞌintërinpoasoꞌ, yatananpitápirinpoahuëꞌ. Mamanshinënpoaꞌ, noꞌpanënpoaꞌ, inapitanta yatananpitápirinhuëꞌ.