1 Samuel 5:10 - Chayahuita (Shahui)

¹⁰ Naporoꞌ aꞌnaquëni, Icoron ninano itopiquë Yosë caposonën quëpaantapi. Inaquë quëꞌcanpachinara yaꞌipi ina ninanoquë yaꞌhuëpisopita chiníquën noncaropi: “¡Israiroꞌsa Yosë chinotopiso caposonën quëshiantërinënpoaꞌ! ¡Yaꞌipinpoa tiquiinpoaso marëꞌ napotarinënpoaꞌ!” topi.

1 Samuel 5:10 ပူးပေါင်းရင်းမြစ်များ

2 Samuel 7:9

Intopa tëranta paꞌnanquë, carinquën caꞌtanatënquën catahuaranquën. Inimiconënpita chinitopirinënquënhuëꞌ, carinquën catahuaranquën inapita tiquicamasoꞌ. Ca nohuanton sacóshin nahuinan. Chiníquën nanantopisopita pochin quëmanta nahuinan.

Amós 1:8

Asototo ninanoquë quëmapi huaꞌanëntërinsontaꞌ, ataꞌhuantarahuë. Asocaron ninanoquënta quëmapi huaꞌanëntërinsoꞌ, inapotarahuë. Yaꞌipi chinirahuë quëran, Icoron ninanoquë yaꞌhuëpisopita ahuëarahuë. Co aꞌnaya tëranta huiristino quëmapi chaꞌëponhuëꞌ,” tënin.

Amós 6:2

Paapahuachinara, huaꞌanoꞌsari: “Carini ninanoquë paꞌsahuatomaꞌ, onpopinsona yaꞌhuëhuanoꞌsa yaꞌhuëpisoꞌ, niꞌconcoꞌ. Ina quëran Amato ninanoquë paantacoꞌ. Inasoꞌ, panca ninanoꞌ. Amato quëran Cato ninanoquë paꞌmantacoꞌ. Inasoꞌ, huiristinoꞌsa ninanonënaꞌ. Inaquëpita paꞌsahuatomaꞌ, onpopinsona yaꞌhuëpisoꞌ, niꞌconcoꞌ. ¡Inapita ninanoroꞌsasoꞌ, co Israiro noꞌpaquë pochin yaꞌhuëpihuëꞌ! ¡Apinapichin noꞌpaquë yaꞌhuëpi!” itopi.

1 Samuel 17:52

Naporoꞌ Israiro sontaroꞌsaꞌ, Cota sontaroꞌsaꞌ, inapitaso chiníquën noꞌhuitopi. Chiníquën noꞌhuitëratona huiristinoꞌsa imapi. Cato, Icoron, inapita ninanoroꞌsa yaꞌcoanaroꞌsaquë huarëꞌ imapi. Saarain itopi quëran ira paꞌninquë notohuaroꞌ huiristino sontaroꞌsa tëpapisoꞌ quëhuënantapi. Inapita cato huiristino ninanoroꞌsaquë huarëꞌ naporin.

1 Samuel 5:11

Siniorori inahuanta chiníquën aparisitarin. Paꞌpi parisitatonaꞌ: “Taquiarihua canpoasoꞌ,” topi. Ina tëꞌhuatatonaꞌ, huaꞌanëni aꞌnapita huiristino huaꞌanoꞌsa amatërin. Canquihuachinara itapon: “Israiroꞌsa Yosë chinotopiso caposonën, isëran quëpacoꞌ. Yaꞌhuërinquë chachin quëpanantacoꞌ. Ama yaꞌipinpoa tiquiinpoaso marëhuëꞌ inapotocoꞌ,” itërin.

1 Samuel 5:9

Quëpapirinahuëꞌ, Siniororiso ina ninanoquë yaꞌhuëpisopita yaꞌhuërëꞌ, chiníquën anaꞌintërin. Huaꞌhuaroꞌsa quëran mashoroꞌsaquë huarëꞌ panca piꞌpiraꞌpiapi. Inapoatona chiníquën parisitapi. Napoaton inahuanta panca paꞌyanpi.

1 Samuel 6:1

Sinioro caposonënsoꞌ, canchisë yoqui huiristinoꞌsa noꞌpanënaquë yaꞌhuërin.