1 Samuel 4:18 - Chayahuita (Shahui)

¹⁸ Yosë caposonën osërëpisoꞌ natanahuaton, Iriso paꞌyanin. Paꞌyanënquë shiranën quëran ninantërarahuaton anotërin. Yaꞌcoana pirayan anotahuaton, yaꞌpoamotorin. Mashoya niponahuë amonën niꞌton, inapo chimintërin. Inaso huaꞌan yaꞌconin quëran huarëꞌ, catapini shonca piꞌipi israiroꞌsa catahuarin.

1 Samuel 4:18 ပူးပေါင်းရင်းမြစ်များ

Salmos 42:10

Inimicoroꞌsa noꞌhuirinacosoꞌ yonquiato, co napion cancantërahuëꞌ. Nani tahuëri piyapiꞌsa tëhuarinaco: ‘¿Inso huachi Yosë chinotëransoꞌ?’ itárinaco,” itërahuë.

Salmos 42:3

Nani tahuëri piyapiꞌsa tëhuarinaco: “¿Inso huachi Yosë chinotëransoꞌ?” itërinaco. Napotërinacoso marëꞌ tahuëri tashirë chachin sëtato naꞌnërahuë.

Salmos 69:9

Quëma pëinën Sinioro paꞌpi aꞌpitërahuë. Napoaton quëma inimiconënpita noꞌhuirinaco cantaꞌ.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Jueces 15:20

Sansonsoꞌ, cato shonca piꞌipi israiroꞌsa huaꞌanëntërin. Huiristinoꞌsari ina parti huaꞌanëntasoiꞌ, naporin.

1 Samuel 4:13

Canconpachina, Iriso ninano yaꞌcoana pirayan huënsaton ninatárin quënamarin. Ira parti notëtaton ninatárin. Sinioro caposonën yonquirárin. Ina sontaroso ninanoquë yaꞌcoontarahuaton, napopiso shaꞌhuiintarin. Ina natanahuatonaꞌ, yaꞌhuëhuanoꞌsaso co napion cancantatopi. Inapoatonaꞌ: “Yai,” topi.

1 Samuel 4:17

—Huiristinoꞌsa canatonacoi paꞌpi notohuaroꞌ tiquirinacoi. Huiꞌnanpitantaꞌ, cato chachin tëpapi. Napotohuachinacoira napopinchin taꞌarai. Yosë caposonëontaꞌ, osërëtërinënpoaꞌ, itërin.

1 Samuel 4:19

Naporo chachin Pinisë saꞌionta cayoron paya, nani yahuaiarin. Yosë caposonën osërëpisoꞌ natantërin. Soꞌionta tëpapi. Shionta chiminin. Inapita natantahuaton, aꞌnanaya huaꞌhua iquitarin. Iquitaton nisiꞌhuitërarin quëran huairin huachi.