1 Samuel 4:11 - Chayahuita (Shahui)

¹¹ Yosë caposonëonta osërëtopi. Iri huiꞌninpita Opini, Pinisë, inapitanta tëpapi.

1 Samuel 4:11 ပူးပေါင်းရင်းမြစ်များ

Jeremías 7:12

Canaan noꞌpaquë ipora yaꞌhuëapomaꞌ, chinotërinacoso nëꞌmëtë pëi acocaiso marëꞌ Siro ninanoꞌton huayonahuë. Inapopirahuëꞌ, shimashonëmapita co noyahuëꞌ nipiso marëꞌ ina ninano anaꞌintërahuësoꞌ, niꞌconcoꞌ.

1 Samuel 2:31

Co huaꞌquia quëranhuë huiꞌnanpita tëpaarahuë. Co mashochátërasoihuëꞌ inapotarahuë.

1 Samuel 2:32

Aꞌnapita israiroꞌsa catahuamiatohuato, quëmaso co napion ancantaton, noyapataran. Naporahuaton quëmá quëran pipipisopita co mashochátërasoihuëꞌ chiminaponaꞌ.

1 Samuel 2:34

Huiꞌnanpita Opini, Pinisë, inapita naporo tahuërirachin chiminaponaꞌ. Napotëranquënsoꞌ nanicaso marëꞌ napoaponaꞌ. Ina quëran aꞌna corto huaꞌan co quëmá quëran pipirinsohuëꞌ acoarahuë. Ina tëhuënchinsoꞌ natëarinco. Yaꞌipi camairahuësoꞌ, inaso nicapon. Ina acohuato, carinta noya aꞌpaiarahuë. Ina quëran pipipisopitanta inapotarahuë. Insosona copirno huayonpato, ina marëꞌ sacataponaꞌ.

1 Samuel 3:12

Naporo tahuëri chachin Iri napotërahuësoꞌ, naniarin. Nani ina, huiꞌninpitarë chachin maꞌsona onpotaꞌhuasoꞌ shaꞌhuitërahuë.

1 Samuel 4:21

Napoaponahuëꞌ, coꞌhuara chiminyátëraponhuë huaꞌhuin nohuitaton: Icapoti, itërin. “Siniororëꞌquënpoa anoyatërëhuaso caposonën iporasoꞌ inimiconënpoapita osërëtërinënpoaꞌ. Napoaton co huachi inso tëranta tëꞌhuatiinpoaso yaꞌhuërinhuëꞌ, taꞌto, ina pochin huaꞌhuahuë nohuitarahuë,” tënin. Siniororëꞌ anoyatopiso caposonën osërëtopi. Soꞌin, shiin, inapitanta chiminpi niꞌton, naporin.