1 Samuel 4:10 - Chayahuita (Shahui)

¹⁰ Naporoꞌ huiristinoꞌsasoꞌ, ahuëtaantapi. Ahuëtahuatonaꞌ, canataantapi. Co huachi nanitohuachinarahuëꞌ, aꞌnaquën israiroꞌsaso, yaꞌhuëpiꞌpaꞌ taꞌapi. Naporoꞌ huaꞌhuayátërahuë Israiro sontaroꞌsa tëpapi. Cara shonca huaranca tëpaantapi.

1 Samuel 4:10 ပူးပေါင်းရင်းမြစ်များ

2 Samuel 18:17

Naporoꞌ Apësaron nonën masahuatonaꞌ, noꞌpaꞌ nanin acoponantëquë tëꞌyatopi. Inapotahuatonaꞌ, notohuaroꞌ naꞌpiroꞌsaquë imotopi. Sontaronënpitaso co huachi imapachinarahuëꞌ, yaꞌhuëpiꞌpaꞌ taꞌapi.

2 Samuel 18:7

Niahuëhuachinara, Tapi sontaronënpitari Apësaron sontaronënpita canapi. Notohuaroꞌ tiquipi. Cato shonca huaranca sontaroꞌsa pochin chiminpi.

2 Samuel 19:8

Napotohuachina copirnosoꞌ, ninano yaꞌcoanaquë paꞌsahuaton huënsëconin. Naporinso yaꞌipiya quëran natantohuachinara, nontacaiso marëꞌ paapapi. Apësaroncoꞌ sontaronënpitaso tronpita pihuipiso natanahuatonaꞌ, yaꞌipiya yaꞌhuëpiꞌpaꞌ taꞌapi. Nani ina shaꞌhuitëranquëmaꞌ.

1 Reyes 12:16

Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.

1 Reyes 22:36

Piꞌi yayaꞌconahuasoꞌ, Israiro sontaro huaꞌanoꞌsa chiníquën nanan shaꞌhuipi: “¡Yaꞌipinquëma yaꞌhuëramaquë pacoꞌ!

Jeremías 7:12

Canaan noꞌpaquë ipora yaꞌhuëapomaꞌ, chinotërinacoso nëꞌmëtë pëi acocaiso marëꞌ Siro ninanoꞌton huayonahuë. Inapopirahuëꞌ, shimashonëmapita co noyahuëꞌ nipiso marëꞌ ina ninano anaꞌintërahuësoꞌ, niꞌconcoꞌ.

1 Samuel 3:11

Napotohuachina Siniorori itapon: —Israiroꞌsanquëma yaꞌhuëramaquë aꞌnara huëhuëpiro nininsoꞌ nisarahuë. Ina natanpatamaꞌ, paꞌpi paꞌyanaramaꞌ.

1 Samuel 4:2

Huiristinoꞌsa ahuëtacaiso caniaritopi. Niahuëhuachinara inapitari israiroꞌsa canapi. Catapini huaranca Israiro sontaroꞌsa tëpapi.