1 Samuel 3:9 - Chayahuita (Shahui)

⁹ Napoaton itapon: —Paaton quëhuëantaquëꞌ. Sinioro aꞌna përasamarinquën. Përaantahuachinquën napotëquëꞌ: “Nontoco Sinioro, caso piyapinënco niꞌto, natanaranquën,” itëquëꞌ, itërin. Napotohuachina Samoirosoꞌ paꞌsahuaton huëꞌërinquë quëhuëantarin.

1 Samuel 3:9 ပူးပေါင်းရင်းမြစ်များ

Éxodo 20:19

Napoaton Moisësë, itopi: —Ama huachi Yosëso nonchincoisohuëꞌ. Chiminpatoi. Quëmari natanaton shaꞌhuitocoi natëi, itopi.

Isaías 6:8

Naporoꞌ Sinioro noninsoꞌ natanahuë: “¿Inta iporaso aꞌpaꞌi? ¿Incha yaꞌhuërënamënpoa nanan shaꞌhuicaso marëꞌ paꞌnëꞌpoya?” tënin. “Maꞌta Sinioro ca yaꞌhuëarahuë. Ca nipachin aꞌpaco,” itërahuë.

Hechos 9:6

Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.

Josué 5:14

Napotohuachina, inariso itapon: —Co canpita catahuaranquëmahuëꞌ. Co inimiconëma tëranta catahuarahuëꞌ. Sinioro sontaronënpita huaꞌanënco nicato oꞌmarahuë, itërin. Ina natanaton, Cosoiso isonin quëran noꞌpaquë huarëꞌ monshorin. Monshorinquëranchin nataantarin: —Caso quëma piyapinën pochinco ninahuë. ¿Maꞌta Sinioro nohuantëran nicaꞌhuasoꞌ? itërin.

1 Samuel 3:10

Ina quëran Sinioroso huëantarahuaton, achin pochin përaantarin: —¡Samoiro! ¡Samoiro! itaantarin. —Nontoco Sinioro, caso piyapinënco niꞌto, natanaranquën, itërin

1 Samuel 3:8

Quëhuëantasoꞌ Siniorori naquëranchin përaantarin. Naquëranchin Samoirosoꞌ huënsëantarahuaton Iri paapantarin: —Maꞌta api yaꞌhuëarahuë. ¿Maꞌmarëta përaranco? itaantarin. Naporoꞌ Irisoꞌ, yonquirin huachi: “Siniorori mini përasarin ipora,” tënin yonquiaton.