1 Samuel 3:18 - Chayahuita (Shahui)

¹⁸ Napotohuachina, Samoirori yaꞌipi Siniorori anitotërinso shaꞌhuitërin. Ina natanaton, Iriso panca paꞌyanin: —¡Sinioro nichinapon chachin maꞌsona nohuantërinsoꞌ niin! tënin.

1 Samuel 3:18 ပူးပေါင်းရင်းမြစ်များ

Génesis 18:25

¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

2 Samuel 15:26

Napoaponahuëꞌ, co huachi yacatahuahuachincohuëꞌ, noyatapon. Maꞌsona ina nohuantërinsoꞌ nichinco, itërin.

Copo naporinso' 1:21

—Ipora huaꞌhuatapo, co manta yaꞌhuëtërincohuëꞌ. Chiminpatontaꞌ, co manta quëpapohuëꞌ. Sinioro nohuanton maꞌsha yaꞌhuëtopirincohuëꞌ, ina nohuanton capa niantarin. ¡Ma noyacha Sinioroso paya! tënin.

Copo naporinso' 2:10

—¡Coꞌchi quëmasoꞌ noꞌtëquën yonquiranhuë paya! Noya nininsopita Yosë quëtohuachinpoaꞌ, maꞌparëhuaꞌ. Co noyahuëꞌ nininsopitaso quëtohuachinpoaꞌ: ¿Co maꞌpacaso yaꞌhuërinhuëꞌ ti? ¡Inanta mini maꞌpacaso yaꞌhuërin! itërin. Inapoaton Coposoꞌ, parisitaponahuëꞌ ahuantërin. Co piꞌpian tëranta Yosë noꞌhuiton, oshahuaninhuëꞌ.

Éxodo 34:5

Nani pomosontahuachina, Sinioroso chitoroquë yaporitiimarin. Inaquë Moisësërëꞌ niquënanpi. Naporo Siniorosoꞌ, onpopinsona nininso shaꞌhuirarin.

Jeremías 38:14

Sitiquiasë copirnosoꞌ, macontainacoso marëꞌ piyapinënpita camaiantarin: “Yosë chinotacaso pëi yaꞌcoanaquë, ninarahuë. Cato yaꞌcoana naꞌhuëtërë quëran, ina quëran niantarinquë ninarahuë,” itiinacoso camairin. Nani inaquë nipatora: —Aꞌnara natainquën. Ama piꞌpiyan tëranta canitocosohuëꞌ, itërinco.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

1 Pedro 5:6

Parisitapomarahuëꞌ, ama Yosë noꞌhuicosohuëꞌ. Chiníquën nanantaton, niꞌsárinquëma niꞌton, natëcoꞌ. Ina noya yonquihuatamaꞌ, tahuëri nanihuachin, noya noya acoarinquëmaꞌ.