1 Samuel 3:15 - Chayahuita (Shahui)

¹⁵ Ina quëran Samoiroso tahuëriquë huarëꞌ huëꞌërin. Capayatahuaton Yosë chinotacaso nëꞌmëtë pëi yaꞌcoanaroꞌsa iꞌsohuatërin. Siniorori shaꞌhuitërinsoso nipirinhuëꞌ, Iri tëꞌhuataton, co yashaꞌhuitërinhuëꞌ.

1 Samuel 3:15 ပူးပေါင်းရင်းမြစ်များ

Malaquías 1:10

Inquëma tërantaꞌ, chinotëramacoso pëi yaꞌcoananën oncoatoma noyá patanantërama naporini, noya niitonhuëꞌ. Co huachi insonta yaꞌconaton, artaronëhuëquë topinan quëran aꞌpëchitonhuëꞌ. Co noyahuëꞌ ninama niꞌton, carimanta co noya niꞌnanquëmahuëꞌ. Maꞌsha quëshiramacosopitantaꞌ, co huachi maꞌpaponquëmahuëꞌ.

1 Samuel 1:9

Aꞌna tahuëri Siroquë paantapi. Inaquë nicasoiꞌ, nani coshatohuachina Anaso huanirin. Huanirahuaton Yosë chinotacaso nëꞌmëtë pëiquë paꞌnin. Iri corto huaꞌan yaꞌcoanaquë huënsëasoꞌ, yaꞌcoontarin.

1 Samuel 3:10

Ina quëran Sinioroso huëantarahuaton, achin pochin përaantarin: —¡Samoiro! ¡Samoiro! itaantarin. —Nontoco Sinioro, caso piyapinënco niꞌto, natanaranquën, itërin

1 Samuel 3:16

Co yashaꞌhuitopirinhuëꞌ, Iriri përasahuaton itapon: —Shamoꞌ, huëquë conpaaꞌhua, itërin. —Maꞌta api yaꞌhuëarahuë, itërin Samoirori.