1 Samuel 3:11 - Chayahuita (Shahui)

¹¹ Napotohuachina Siniorori itapon: —Israiroꞌsanquëma yaꞌhuëramaquë aꞌnara huëhuëpiro nininsoꞌ nisarahuë. Ina natanpatamaꞌ, paꞌpi paꞌyanaramaꞌ.

1 Samuel 3:11 ပူးပေါင်းရင်းမြစ်များ

Copo naporinso' 41:9

Inasoꞌ topinan niꞌsharapirinahuëꞌ, paꞌyani tëpa tëparapon.

Habacuc 1:5

Ina quëran Siniorosoꞌ anitotërinco: “Israiroꞌsaꞌ. Aꞌnapita nacionoꞌsaquë napopisoꞌ niꞌcoꞌ. Ina nicatoma paꞌyancoꞌ. Nani yonquirahuë paꞌpi huëhuëpiro nininsoꞌ, nicaꞌhuasoꞌ. Canpitaso naporahuësoꞌ shaꞌhuitopirinënquëmaontaꞌ, noꞌtëquën shaꞌhuipisoꞌ co natëaramahuëꞌ.

Lucas 21:26

Inápaquë yaꞌhuërinsopitantaꞌ nacon nacontapon. Piyapiꞌsaꞌ nisha nisha yonquiatonaꞌ, tëꞌhuataponaꞌ. ‘¿Maꞌcha onporoꞌpoya?’ taꞌtonaꞌ, paꞌyani yatëpapon.

Hechos 13:41

‘Yosëri itërin: “Canpitasoꞌ naꞌcon tëhuaconamaꞌ. Iso tahuëriꞌsaꞌ ca nohuanto, naꞌcon maꞌsha onpoaramaꞌ. Yonquirahuësoꞌ shaꞌhuitarinënquëmaꞌ. Natanapomarahuëꞌ, co natëtaramahuëꞌ. Napoaton paꞌyanatomaꞌ, yonquicoꞌ. Chiníquën anaꞌintaranquëmaꞌ niꞌton, taꞌhuantaramaꞌ,” tënin Yosë,’ itopi. Canpitantaꞌ niꞌcona inapochachin anaꞌintochinquëmaꞌ, tënin Paono, pënëntaton.

1 Samuel 3:10

Ina quëran Sinioroso huëantarahuaton, achin pochin përaantarin: —¡Samoiro! ¡Samoiro! itaantarin. —Nontoco Sinioro, caso piyapinënco niꞌto, natanaranquën, itërin

1 Samuel 4:10

Naporoꞌ huiristinoꞌsasoꞌ, ahuëtaantapi. Ahuëtahuatonaꞌ, canataantapi. Co huachi nanitohuachinarahuëꞌ, aꞌnaquën israiroꞌsaso, yaꞌhuëpiꞌpaꞌ taꞌapi. Naporoꞌ huaꞌhuayátërahuë Israiro sontaroꞌsa tëpapi. Cara shonca huaranca tëpaantapi.