1 Samuel 28:9 - Chayahuita (Shahui)

⁹ Napotohuachina, inariso itapon: —Niꞌquëꞌ. Saono naporinso nani nitotëran. Ninotonaꞌpiroꞌsaꞌ, chimipiroꞌsa huaꞌyanën nito përatona nontopisopita, inapita iso noꞌpa quëran ocoirin. Napotarancoso natëhuatënquën, inaso nitotohuachin atëpataponco. ¡Napoaton co napotaancoso yaꞌhuërinhuëꞌ! itërin sanapiri.

1 Samuel 28:9 ပူးပေါင်းရင်းမြစ်များ

2 Samuel 18:13

Tëparahuënta nicaipoꞌ, copirnoso nitotaantaꞌitonhuëꞌ. (Ina marësoꞌ, co poꞌoana quëran maꞌsha nishápasohuëꞌ niconin.) Tëparahuë naporini, inaso canta yatëpaantaꞌintoncohuëꞌ. Co quëma paꞌpoyaitoncohuëꞌ, itërin.

2 Reyes 5:7

Nontohuachina, inaso paꞌyanin. Inapoaton aꞌmorinso osharin. Inaporahuaton piyapinënpita natantonënquë tapon: —¡Co caso Yosëcohuëꞌ! Inacha tëhuënchinsoꞌ nohuantërinsopita ananpirin. Nohuantërinsopitasoꞌ, chiminpi. Siria copirnosoꞌ, co chana caniori maninso anoyataꞌhuaso marëꞌ aꞌpatiincoso yaꞌhuërinhuëꞌ. Inta yonquirico canpitantaꞌ. Ahuëinënpoaso yonquiaton napotarinco inasoꞌ tënahuë, tënin.

Levítico 19:31

Ama chimipiroꞌsa përahuaꞌyancosohuëꞌ. Ama pënotonquë maꞌsha nitotacaso marëꞌ pacosohuëꞌ. Ina pochin nipatamaꞌ, amirotochináchin nisaramaꞌ. Caso Yosëco napotaranquëma niꞌton, natëco.

1 Samuel 28:10

—Yoscoarëꞌ co ina marëꞌ manta onpoaranhuëꞌ, itaantarin Saonori.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.