1 Samuel 28:7 - Chayahuita (Shahui)

⁷ Napohuachina, sontaro huaꞌanoꞌsa camairin: —Inso sanapi tërantaꞌ, chimipiroꞌsa huaꞌyanën nito përaton nontërinsoꞌ, yonítoco. Paato nontaꞌhuaso marëꞌ nohuantërahuë, itërin. Napotohuachina inahuari: —Intoro ninano itopiquë, aꞌnara sanapi ina nitotërinso yaꞌhuërin, itopi.

1 Samuel 28:7 ပူးပေါင်းရင်းမြစ်များ

2 Reyes 6:33

Itaso chachin comisionꞌton, canquirin. Ina piquëran copirno chachinta canquirahuaton Irisio itapon: —Sinioro nohuanton poꞌsarëhua niꞌquëhuarëꞌ, co huachi catahuainpoaso ninacaso yaꞌhuërinhuëꞌ, itiirin.

Levítico 19:31

Ama chimipiroꞌsa përahuaꞌyancosohuëꞌ. Ama pënotonquë maꞌsha nitotacaso marëꞌ pacosohuëꞌ. Ina pochin nipatamaꞌ, amirotochináchin nisaramaꞌ. Caso Yosëco napotaranquëma niꞌton, natëco.

Habacuc 2:3

Shaꞌhuitaranquënsopitasoꞌ, co apiramiachin naniarinhuëꞌ. Napoaponahuë onpopionta nanipon. Huaꞌquiarin pochin nipirinhuëntaꞌ, ninaquëꞌ. Tahuërinën nanihuachin, nanipon.

Hechos 16:16

Aꞌna tahuëri yonsanquë paantarai Yosë chinotaꞌhuaiso marëꞌ. Paasocoi, aꞌna nanon quënanconai. Sopairi yaꞌcoancantërin niꞌton, ninotërin. Ina sanapisoꞌ aꞌnapitari paꞌanpi asacatacaiso marëꞌ. Ninorinso marëꞌ huaꞌanënpitasoꞌ, naꞌcon canapi.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.