1 Samuel 28:21 - Chayahuita (Shahui)

²¹ Saono paꞌpi paꞌyaninsoꞌ, sanapiso niꞌnin. Napohuachina yaꞌcarirahuaton, itapon: —Niꞌquë sinioro. Caso quëma piyapinën pochinco ninahuë. Tëpainacoso yaꞌhuërinso nitotaporahuëꞌ, natëranquën.

1 Samuel 28:21 ပူးပေါင်းရင်းမြစ်များ

2 Reyes 6:11

Naporápachinara, Siria copirnoso paꞌpi noꞌhuitërin. Napoaton sontaro huaꞌanoꞌsa përasahuaton: —¿Incháchinta yonquirëhuasopita Israiro copirno shaꞌhuitërachinin? ¡Shaꞌhuirapico nitochi! itërin.

1 Samuel 19:5

Naporoꞌ Coriato tëpapon, chiminchináchin ninin. Siniorori catahuarin niꞌton, ina quëran israiroꞌsanpoa nichaꞌërinpoaꞌ. Quëmaora chachin naporinso nicaton capa cancantëran. ¡Napoaton co tëpamaso yaꞌhuërinhuëꞌ! ¡Co manta onporinhuëꞌ! itërin.

1 Samuel 28:20

Naporoꞌ aꞌnanaya Saonosoꞌ, chimipi pochin anotërin. Naporopi niꞌton notëntochinarin. Samoirori napotërinsoꞌ natanaton, naporin. Naporo tahuëri, naporo tashi co manta caꞌmantatonhuëꞌ, naporin.

1 Samuel 28:22

Ina pochin quëmantaꞌ, shaꞌhuitohuatënquën natëco topirahuë. Chiníquën cancantaton paantamaso marëꞌ cosharo nitatënquën aꞌcaꞌinquën, itërin.