1 Samuel 28:19 - Chayahuita (Shahui)

¹⁹ Naporahuaton yaꞌipi ahuëtamarë huëꞌnamasopita, ina nohuanton huiristinoꞌsa minsëarinquëmaꞌ. Tashiraya quëmaso huiꞌnanpitarëꞌquën chachin carëꞌquën nisarama huachi. Ina nohuanton yaꞌhuëintaramaquë maꞌsha yaꞌhuëtërinquëmasontaꞌ, huiristinoꞌsa matarinënquëmaꞌ, itërin.

1 Samuel 28:19 ပူးပေါင်းရင်းမြစ်များ

1 Reyes 22:20

Naporoꞌ Siniorori inapita natanin: Namoto ninanoquë Siria sontaroꞌsa yaꞌhuëapi. Inaquë paꞌsahuaton, chimina marëꞌ: ¿Incarita Acapo nonpintapon ipora? itërin. Napohuachina naꞌa anquëniroꞌsari nisha nisha shaꞌhuitopi. Napoaponahuëꞌ, aꞌna sopairi Sinioro yaꞌcarirahuaton: “Cari nonpintarahuë,” itërin. “¿Onpo nonpintapontaꞌ?” itërin Siniororintaꞌ.

1 Reyes 22:28

Micaiasëso napoaponahuëꞌ, taantarin: “Noya huënantahuatansoꞌ, co tëhuënchachin Sinioro noninsoꞌ shaꞌhuirahuëꞌ,” tënin.

Copo naporinso' 3:17

Apiroꞌsasoꞌ, piyapiꞌsa yaaparisitopi. Napoaponaraihuëꞌ chiminpachinara, copi topi huachi. Parisitápatona amipisopitantaꞌ, chiminpachina chinotopi huachi.

Éxodo 9:18

tashiraya ipora pochin, panca ocai aꞌpataranquën. Iráca quëran huarëꞌ co ina pochin iquipitoroꞌsa niꞌchinpihuëꞌ.

Mateo 26:24

Yosë quiricanën quëran ninorincoso chachin chiminarahuë. Yashaꞌhuirapirincoso nipirinhuëꞌ, maꞌhuantacha nicapon paya. Co nasitërinhuëꞌ naporini, noya noya niitonhuëꞌ, itërin.

Hechos 5:5

Ananiasë natanahuaton, aꞌnaroáchin noꞌpaquë anotaton, chiminin. Piyapiꞌsari niꞌpachinara, paꞌyanpi. Aꞌnapitantaꞌ natantahuatonaꞌ, paꞌpi tëꞌhuatopi.

1 Samuel 12:25

Napotopiranquëmahuëꞌ, canpitasoꞌ co noyahuëꞌ nicacamasoráchin cancantohuatamaꞌ, inimicoroꞌsa minsëarinquëmaꞌ. Sinioro nohuanton minsërahuatënënquëma yaꞌhuërama quëran ocoiarinquëmaꞌ. Copirnonëmarë chachin asacatiimaso marëꞌ yaꞌhuëpiꞌpaꞌ quëpaponënquëmaꞌ, itërin.

1 Samuel 28:20

Naporoꞌ aꞌnanaya Saonosoꞌ, chimipi pochin anotërin. Naporopi niꞌton notëntochinarin. Samoirori napotërinsoꞌ natanaton, naporin. Naporo tahuëri, naporo tashi co manta caꞌmantatonhuëꞌ, naporin.