1 Samuel 28:12 - Chayahuita (Shahui)

¹² Sanapisoꞌ aꞌnanaya niꞌpirinhuëꞌ, Samoiro huëꞌsarin niꞌnin. Ina niꞌsahuaton huiyo tënin. Naporahuaton Saono itapon: —¡Nonpintëranco! ¡Quëma mini Saononquën! itërin sanapiri.

1 Samuel 28:12 ပူးပေါင်းရင်းမြစ်များ

Génesis 29:25

Tahuëririnquë tashíramiachin Cacoposoꞌ, Nia ichihuëꞌërinso niꞌnin. Niꞌsahuaton, paꞌpi paꞌyantërin. Napoaton Napano chiníquën nontërin: —¡Co napochitoncohuë pora! ¡Coꞌta Naquira marëꞌ nani sacatërahuë! ¡Nani nonpintëranco niꞌsora! itërin.

1 Samuel 28:11

—¿Insoꞌ chimipita përachinquën? taantarin sanapi. —Samoiro përatoco, itërin Saonori. Napotohuachina përarin.

1 Samuel 28:13

Itopirinhuëꞌ: —Ama tëꞌhuatëquësohuëꞌ. ¿Maꞌta niꞌnan? itaantarin Saonori. —Aꞌnara yosë noꞌpa quëran pipirarin niꞌnahuë, taantarin sanapi.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.