1 Samuel 24:7 - Chayahuita (Shahui)

⁷ Napotahuaton Tapisoꞌ, ama Saono tëpacaiso marëhuëꞌ piyapinënpita yaꞌcopirin. Inaso co manta yonquiaponahuëꞌ, ina quëran pipirin.

1 Samuel 24:7 ပူးပေါင်းရင်းမြစ်များ

2 Samuel 1:14

—Siniorori chachin copirno nicacaso marëꞌ huayoninso tëparan. ¡Ina tëpaton paꞌpi co noyahuëꞌ ninan! itaantarin Tapiri chiníquën nontaton.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

1 Samuel 12:3

Iporasoꞌ, canpitarëꞌco onpo sacatërahuësosona shaꞌhuicoꞌ. Toronëmahuë nipon, moranëmahuë nipon matohuatënquëmaꞌ, noꞌtëquën shaꞌhuicoꞌ. Inquëma tëranta aparisitëranquëmaꞌ, maꞌsha onpotëranquëmaꞌ, napotohuatënquëmaꞌ, noꞌtëquën shaꞌhuicoꞌ. Insonquëma tëranta tëhuëpiramahuë pahuërëramaco niꞌton, co anaꞌintohuatënquëmahuëꞌ, shaꞌhuico antaꞌ. Sinioro nani nitotërin. Copirno acorinsonta natanarinpoa niꞌton, nihuihuatënquëmasoꞌ noꞌtëquën pahuërëaranquëmaꞌ, itërin.

1 Samuel 24:6

Ina quëran piyapinënpita sacaronquë itapon: —¡Siniorori Saono huayonin copirno nicacaso marëꞌ! Napoaton carisoꞌ, co ina tëpaꞌhuaso nanitërahuëꞌ, itërin.

1 Samuel 24:8

Pipihuachina, Tapinta aꞌnaroáchin pipiintarin. Pipirahuaton chiníquën itapon: —¡Api, api! itërin. Napotarinso natanaton, Saonoso tahuërëtërin. Naporoꞌ Tapiri noya nicaton, isonin quëran noꞌpaquë huarëꞌ monshomarin.