1 Samuel 24:16 - Chayahuita (Shahui)

¹⁶ Tapiri tonitohuachina, Saonosoꞌ paꞌyanaton chiníquën itapon: —¡Tapi chachin mini nontarinco! tosahuaton naꞌnëmiatërin.

1 Samuel 24:16 ပူးပေါင်းရင်းမြစ်များ

Génesis 16:5

Naporoꞌ Sarairi Apran itapon: —Quëma tëhuëran niꞌton, Acara nocaninco. Cari chachin acoantopiranquënhuëꞌ, iporasoꞌ huaꞌhuanaton, nocaninco huachi. Sinioro chachin inquënposona tëhuërësoꞌ anitochinpoꞌ: Quëma tëhuëmaranquën, ca aꞌna napomaraco, itërin.

Génesis 2:2

Yaꞌipi acorinsopita tënirahuaton, tahuëririnquë chinotërin. Napoaton, ina tahuëri noya niꞌnin. Noya nicaton, chinoto tahuëri acorin. Napoaton piyapi pënënin: “Naporo tahuëri chinotatomaꞌ, casáchin yonquico,” itërin.

Génesis 33:4

Cacoposoꞌ tëꞌhuaton naporin. Napopirinhuë Isaorisoꞌ, taꞌaquirahuaton iin iporin. Iporahuaton, apinorin, naporin. Cato chachin noya ancantatonaꞌ, ninaꞌnëtopi.

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Hechos 6:10

Istipanso nipirinhuëꞌ, Ispirito Santori catahuarin niꞌton, noꞌtë noꞌtëquën nonin. Co nanitopihuëꞌ aꞌpanicaisoꞌ.