1 Samuel 24:11 - Chayahuita (Shahui)

¹¹ Niꞌquë api. Aꞌmoranso yashitërahuësoꞌ, sëꞌquëárahuë. Yashitasoco nohuantërahuë naporini, tëpaꞌitënquënhuëꞌ. Napoaponahuëꞌ, co inapotëranquënhuëꞌ. Ina quëran nitotëquëꞌ, co manta yaonpotëranquënsohuëꞌ. Co aꞌnapita tëranta maꞌsha onpotiinënsoꞌ camairahuëꞌ. Co maquë tëranta tëhuëpirahuëꞌ quëmasoꞌ tëpaancoso marëꞌ, yonisáranco.

1 Samuel 24:11 ပူးပေါင်းရင်းမြစ်များ

2 Samuel 1:14

—Siniorori chachin copirno nicacaso marëꞌ huayoninso tëparan. ¡Ina tëpaton paꞌpi co noyahuëꞌ ninan! itaantarin Tapiri chiníquën nontaton.

2 Reyes 5:13

Paꞌsapirinhuëꞌ, piyapinënpitari yaꞌcarirahuatonaꞌ: —Sinioro. Sacai nininsonta pënëntonaꞌpi shaꞌhuitërinquën naporini, aꞌnaroáchin natëitonhuëꞌ. Aquëtë huarëꞌ iporasoꞌ, co sacaiyátërahuëꞌ camairinquën. Yaꞌcoitohuatan noyataran, itopi.

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Juan 15:25

Iráca Yosë quiricanënquë ninshitopi. ‘Topinan quëran noꞌhuirinaco,’ tënin ninshitaton. Iporasoꞌ naporinso chachin topinan quëran noꞌhuiarinaco.

1 Samuel 12:3

Iporasoꞌ, canpitarëꞌco onpo sacatërahuësosona shaꞌhuicoꞌ. Toronëmahuë nipon, moranëmahuë nipon matohuatënquëmaꞌ, noꞌtëquën shaꞌhuicoꞌ. Inquëma tëranta aparisitëranquëmaꞌ, maꞌsha onpotëranquëmaꞌ, napotohuatënquëmaꞌ, noꞌtëquën shaꞌhuicoꞌ. Insonquëma tëranta tëhuëpiramahuë pahuërëramaco niꞌton, co anaꞌintohuatënquëmahuëꞌ, shaꞌhuico antaꞌ. Sinioro nani nitotërin. Copirno acorinsonta natanarinpoa niꞌton, nihuihuatënquëmasoꞌ noꞌtëquën pahuërëaranquëmaꞌ, itërin.