1 Samuel 21:7 - Chayahuita (Shahui)

^7-15 (-)

1 Samuel 21:7 ပူးပေါင်းရင်းမြစ်များ

Génesis 26:20

Napoaponahuëꞌ, Quiraro motopianaquë, huiristinoꞌsa ohuicanëna aꞌpaipisopita, noꞌhuitopi. Isaco ohuicanënpita aꞌpaipisopitarëꞌ, ninoꞌhuitona niahuëpi: “¡Iso iꞌshasoꞌ, quiyaquën!” Niitatonaꞌ, niahuëpi. Napoaton Isacori, apoyatërin: “Niahuëyatopisoꞌ poso,” itërin.

Ezequiel 33:31

Ninapotatonaꞌ, huëcapairahuatënën quëma notënanquë huënsëipi. Yáinapopi niꞌton, napopi. Shaꞌhuitëransopita natanpirinahuëꞌ, co nohuantopihuëꞌ natëcaisoꞌ. Huaino cantahuachinara, yonquinëna quëran nitotopi. Inapochachin inahuanta nonansopita yonquinëna quëran nitotopitërapi. Cancanëna quëranso napoaponahuëꞌ, coriquisáchin cancantopi.

Amós 8:5

Canpitaso maꞌsha paꞌanaꞌpinquëma niꞌton: “¡Trico paꞌantacaso marëꞌ yoquiaꞌhuaraiꞌ pita, manóton naꞌhuëin! Ihuatë pëꞌtënanquë pëꞌtënatëhuaꞌ, naꞌcon naꞌcon canacaso marëꞌ ¡Sahuatontaꞌ, aꞌnaroáchin naꞌhuëin! Popriyaroꞌsa aquëtë apopriyatahuaꞌ. Inahuara chachiontaꞌ, nihuirinpoaso marëꞌ paꞌanhuaꞌ. Sapatë marëya tëranta nihuihuachinpoaꞌ, inapotahuaꞌ. Trico nitapihuachina tëꞌyatopirëhuahuëꞌ, ina tëranta paꞌantacaso yaꞌhuërin,” tënamaꞌ.

Mateo 15:8

Yosë naporin: “Isopita piyapiꞌsaꞌ nanamëna quëran noya nontopirinacohuëꞌ, co cancanëna quëran imarinacohuëꞌ. Co ca pochin cancantopihuëꞌ.

1 Samuel 11:5

Naporoꞌ Saononta imin quëran huënantárin. Tororoꞌsa asacatërin quëran quënantárin. Piyapiꞌsa naꞌnërapisoꞌ natanaton, natantërin: —¿Maꞌta onpoatona naꞌnërantapisoꞌ? tënin. Napohuachina Capisë quëran huëcatona nanan quëpisoꞌ aꞌnari shaꞌhuitërin.

1 Samuel 14:47

Inapoaton Saono israiroꞌsa huaꞌanëntërin. Sontaronënpitarë chachin itohua itohua noꞌpanënaquë inimicoroꞌsa ahuërin. Inimiconënpitasoꞌ: Moaporoꞌsaꞌ, amonoꞌsaꞌ, itomoroꞌsaꞌ, inapita. Sopa copirno, huiristinoꞌsaꞌ, inapitarinta inimicotopi. Intohua tëranta Saono sontaronënpitarë ahuëtapona paꞌpachinara, canatëraꞌpiarin.