1 Samuel 21:5 - Chayahuita (Shahui)

⁵ Napotohuachina, Tapiriso aquinorahuaton itapon: —Sontaronëhuëpitaroꞌco chachin ahuëtapoi yápaꞌnai. Napohuatoira, co osha ninaihuëꞌ. Aquëtë huarëꞌ iporasoꞌ, chini chiníquën copirno camairincoi niꞌton, co inapoatoi oshahuanaihuëꞌ, itërin.

1 Samuel 21:5 ပူးပေါင်းရင်းမြစ်များ

Éxodo 19:14

Napotohuachina, Moisësëso paꞌmarin. Paꞌmarahuaton Yosëíchin yonquicaiso marëꞌ, israiroꞌsa shaꞌhuitomarin. Shaꞌhuitohuachina, aꞌmopisonta pëꞌsapi.

Éxodo 19:15

Naporahuaton itaantarin: —Tashiraya aquëtëran Sinioro oꞌmararin. Ama piꞌpian tëranta saꞌama cariapomarahuëꞌ, noya ninacoꞌ, itërin. Itohuachina, israiroꞌsa pëꞌsainahuatonaꞌ, cara tahuëri pochin co saꞌina yaꞌcaripihuëꞌ.

Hechos 9:15

“Iꞌhua mini co noyahuëꞌ yonquipirinhuëꞌ, nani huayonahuë ca nanamëhuë aꞌchinacaso marëꞌ. Nisha nisha piyapiꞌsaꞌ aꞌchintarin imainacoso marëꞌ. Huaꞌanoꞌsanënpitantaꞌ shaꞌhuitarin. Israiroꞌsantaꞌ aꞌchintarin imainacoso marëꞌ.

1 Corintios 7:5

Ama niaꞌpoꞌinasohuëꞌ, niichihuëꞌëinaꞌ. Aꞌna tahuëriso nipirinhuëꞌ quëmapi saꞌinë chachin inahuara yonquinëna quëran nohuantohuachinaꞌ, naꞌcon naꞌcon Yosë nontacaiso marëꞌ nisha huëꞌëinaꞌ. Ina quëran naquëranchin nihuëꞌëpantaꞌinaꞌ ama nisha yonquicaiso marëhuëꞌ. Ama huaꞌquiꞌ nisha huëꞌëcosohuëꞌ, Satanasë minsëchinquëmaꞌ.

1 Pedro 3:17

Co noyahuëꞌ nipatëra, parisitacasoꞌ yaꞌhuërin. Aꞌna tahuëriso nipirinhuëꞌ Yosë nohuanton, imarëhuasopitantaꞌ parisitarëhuaꞌ. Noya nipirëhuahuëntaꞌ, piyapi aparisitarinënpoaꞌ. Ina pochin parisitacasoꞌ Yosë nohuantërin.