1 Samuel 20:5 - Chayahuita (Shahui)

⁵ —Niꞌquëꞌ. Tashiraya yoquiaꞌhuaraiꞌ pita nisarin. Napoaton copirnorëꞌco capahuaso yaꞌhuërin. Inaso nipirinhuëꞌ, tashiraya aquëtëran iꞌhuaquë huarëꞌ caso iminoꞌsaquë naꞌpii topirahuë.

1 Samuel 20:5 ပူးပေါင်းရင်းမြစ်များ

2 Reyes 4:23

—¿Maꞌmarëta iporasoꞌ yaniꞌnan? Co yoquiaꞌhuaraihuëꞌ. Co sahuatohuëꞌ, itërin soꞌini. —Ama paꞌyanquësohuëꞌ. Noya paꞌsarahuë, itaantarin saꞌinintaꞌ.

Proverbios 22:3

Yonquínahuansoꞌ, huëꞌhuëpiro nininsoꞌ tantiarin. Napoaton coꞌhuara maꞌsha onpoyátëraponhuëꞌ, yaꞌhuincarin. Naponin yonquipisopitaso nipirinhuëꞌ, co inapoatonahuëꞌ, maꞌsha onpocasoꞌ quënapatopi.

Amós 8:5

Canpitaso maꞌsha paꞌanaꞌpinquëma niꞌton: “¡Trico paꞌantacaso marëꞌ yoquiaꞌhuaraiꞌ pita, manóton naꞌhuëin! Ihuatë pëꞌtënanquë pëꞌtënatëhuaꞌ, naꞌcon naꞌcon canacaso marëꞌ ¡Sahuatontaꞌ, aꞌnaroáchin naꞌhuëin! Popriyaroꞌsa aquëtë apopriyatahuaꞌ. Inahuara chachiontaꞌ, nihuirinpoaso marëꞌ paꞌanhuaꞌ. Sapatë marëya tëranta nihuihuachinpoaꞌ, inapotahuaꞌ. Trico nitapihuachina tëꞌyatopirëhuahuëꞌ, ina tëranta paꞌantacaso yaꞌhuërin,” tënamaꞌ.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Hechos 17:14

Napohuachinara, Quisoso imapisopitari aꞌnaroáchin Paono aꞌpapi. Aꞌnaquëni caꞌtanatonaꞌ, marë yonsanquëꞌpaꞌ quëpapi. Sirasë, Timotio, inapitaso nipirinhuëꞌ co paꞌpihuëꞌ.

Colosenses 2:16

Napoaton nisha pënënpachinënquëmaꞌ, ama natëcosohuëꞌ. “Nani maꞌsha caꞌpatëhuaꞌ, oꞌopatëhuaꞌ, oshahuanarëhuaꞌ,” topi aꞌnaquën. Nani sahuato tahuëri chinotopi. Nani yoquiaꞌhuaraiquë chinotopi. Nisha nisha niyontopiso tahuëriꞌsaꞌ naꞌhuëpi. “Co quiya pochin nipatamahuëꞌ, co noꞌtëquën imaramahuëꞌ,” itarinënquëmaꞌ. Nipirinhuëꞌ, ama inapitasoꞌ natëcosohuëꞌ.

1 Samuel 20:18

Ina quëran Tapi itaantapon: —Tashiraya yoquiaꞌhuaraiꞌ pita nisarin. Huënsëyantëranquë capa nipatan, tata nohuanarinquën.

1 Samuel 20:19

Cara tahuëri quëranso nipirinhuëꞌ, naꞌcon naꞌcon nohuanarinquën. Napoaton iꞌhua naꞌpiranquë paquëꞌ. Paantarahuaton, naꞌpiroꞌsa inaquë imopiso aquëtëꞌ, naꞌpiquëꞌ.

1 Samuel 20:24

Napotohuachina Tapisoꞌ, Conatani shaꞌhuitërinquë naꞌpirin. Tahuëririnquë pita nanihuachina, copirnoso coshatapon huënsërin.

1 Samuel 20:27

Tahuëririnquënta pita chachin niponahuëꞌ co Tapi yaꞌnoantarinhuëꞌ. Napohuachina Saonosoꞌ Conatan natanin: —¿Onpoatonta Quisi huiꞌnin co iꞌhuaranta capacaso marëꞌ yaꞌnorinhuëꞌ? itërin.

1 Samuel 20:4

—¿Onporahuatota catahuainquën? itërin Conatani.

1 Samuel 20:6

Tata natantohuachinco, napotëquëꞌ: “Pirinquë yaꞌipi quëmopinëhuëpitarëꞌco chachin Yosë chinotarai. Nani piꞌiquë Sinioro chinotacaso marëꞌ maꞌsha tëpaꞌhuaiso nininsoꞌ, tëpaarai. Napoaton aꞌnaroáchin paꞌsarahuë,” itërinco niꞌton, aꞌparahuë, itëquëꞌ.