1 Samuel 20:41 - Chayahuita (Shahui)

⁴¹ Nani paꞌpachina, naꞌpiroꞌsa imopisoꞌ aquëtëran quëran Tapi pipirin. Pipirahuaton Conatan notënanquë isonahuaton, noꞌpaquë huarëꞌ monshomarin. Noya nicaton cararo napotërin. Ina quëran nisëꞌquërahuatonaꞌ, ninaꞌnëtopi. Tapisoꞌ naꞌcon naꞌcon naꞌnëton sëto inquiahuarëꞌ naꞌnërin.

1 Samuel 20:41 ပူးပေါင်းရင်းမြစ်များ

Génesis 29:11

Ina quëran Naquira apinorahuaton: “Iꞌhuata oshi,” itërin. Napotahuaton, naꞌnërarin.

Génesis 29:13

Cantonahuaton shaꞌhuitërin: “Aꞌshacha Nipica huaꞌhuin, Cacopo itopisoꞌ canquirin,” itërin. Ina natanahuaton, Napanoso taꞌarëꞌnachin nicapon paꞌnin. Quënanconahuaton apinorin. Apinorahuaton: “Iꞌhuata api,” itërin. Nontahuaton pëinënquë quëparin. Inaquë Cacopori yaꞌipi naporinso apin shaꞌhuitërin.

Génesis 33:4

Cacoposoꞌ tëꞌhuaton naporin. Napopirinhuë Isaorisoꞌ, taꞌaquirahuaton iin iporin. Iporahuaton, apinorin, naporin. Cato chachin noya ancantatonaꞌ, ninaꞌnëtopi.

Génesis 42:6

Nani shaꞌhuitëranquëmaso chachin Cosisoꞌ, huaraon yaꞌhuërënamën yaꞌipi Iquipitoquë camaitarin. Naporahuaton ina camaitohuachina, yaꞌipi parti quëran huëꞌpisopita, trico paꞌantapi. Iinpitanta camahuachinara, nontacaiso marëꞌ isonpi quëran noꞌpaquë huarëꞌ monshorahuatonaꞌ, moshaipi.

Génesis 43:28

Inapitasoꞌ mónsho tahuatonaꞌ: —Tatahuëisoꞌ, quëma piyapinën pochin ninin. Noya yaꞌhuëarin. Ipora huanta nanpiárin, itopi.

Génesis 45:15

Ina quëran Cosisoꞌ, yaꞌipi iinpita noya nontaton sëꞌquërin. Inapitanta iporahuaton naꞌnërin. Ina piquëran inapitarinta co huachi tëꞌhuatatonahuëꞌ, noya nontopi huachi.

2 Samuel 1:2

Tahuëririnquë aꞌnara huiꞌnapi canquirin. Saono sontaronënpitarë chachin yaꞌhuëpi quëran canquirin. Aꞌmorinso nioshatërin. Naporahuaton, motëonta moꞌshiquë nisëꞌmomotorin. Sëtërinsoꞌ nitotai marëꞌ naporin. Canquirahuaton Tapi notënanquë noya nicaton isonin. Isonin quëran noꞌpaquë huarëꞌ monshomarin.

2 Samuel 1:26

¡Quëma marëꞌ paꞌpi sëtërahuë taꞌa! Quëmasoꞌ iyahuëmiáchin pochin ninan. Nanpisënquën noya noya nipayarëꞌ. Sanapisoꞌ quëmapi chinpitohuachina, paꞌpi nosororin. Quëmasoꞌ inapita quëran naꞌcon naꞌcon nosororanco.

2 Samuel 19:39

Yaꞌipiya quëran Cortaniiꞌ pëntontopi huachi. Copirnonta pëntonpachina, Parsirairi noya pacacaso marëꞌ apinorin. Napotahuaton yaꞌhuërinꞌpaꞌ panantarin.

2 Samuel 9:6

Maconpachina, canquirin. Inasoꞌ Conatanco huiꞌnin niꞌton, Saonocoꞌ shiin. Canquirahuaton copirno notënanquë mónsho tënin. Noya nicaton naporin. Tapirisoꞌ chiníquën nontaton itapon: —¿Quëma Mihui-posinquën? itërin. —Inaco mini sinioro copirno. Caso piyapinënco niꞌto, maꞌsona camaitëranso nisarahuë, itërin inarintaꞌ.

1 Reyes 1:16

Naporoꞌ isonin quëran noꞌpaquë huarëꞌ monshorahuaton, copirno mosharin. Inapoasoꞌ copirnori itapon: —¿Maꞌta nohuantëran? itërin.

1 Reyes 1:31

Napotohuachina Pitisapisoꞌ, copirno noya nicaton isonin. Isonin quëran noꞌpaquë huarëꞌ monshomarin. Napotahuaton chiníquën nonin: —¡Nanpimiataton sinioro copirno huaꞌanëntocoi! itërin.

Hechos 20:37

Naporoꞌ yaꞌipiya sëtatonaꞌ, naꞌnëpi. Paono iporahuatonaꞌ, apinopi.

1 Samuel 10:1

Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin:

1 Samuel 20:40

Ina quëran Conatansoꞌ, pëꞌchinanën, shinërënënpita, inapita piyapinën quëtërin. Quëtahuaton naporo chachin yaꞌhuërinquë quëpanantacasoꞌ camairin.

1 Samuel 24:9

Ina quëran itapon: —Aꞌnaquën nonpinapitonaco: “Tapi yatëparinquën,” itërinën. Napotopirinënquënhuëꞌ, co inapita natëcamaso yaꞌhuërinhuëꞌ.