1 Samuel 20:32 - Chayahuita (Shahui)

³² Napotopirinhuëꞌ, inariso paꞌpin itapon: —¿Onpoatonta chiminacaso yaꞌhuërin? ¿Maꞌta onporinso marëꞌ tëpacaso yaꞌhuërin? itërin.

1 Samuel 20:32 ပူးပေါင်းရင်းမြစ်များ

Génesis 31:36

Co quënanpachinahuëꞌ, Cacopo yaꞌhuërëꞌ noꞌhuitaton Napano chiníquën nontërin. —¿Maquëta tëhuëtëranquën niꞌnan? ¿Maꞌta onpoato oshahuanahuë niꞌton, co napion cancantaton imaquirancosoꞌ?

Mateo 27:23

—¿Maꞌmarëtaꞌ tëpaꞌi? ¿Maꞌtaꞌ onporin? itopirinhuëꞌ, aquëtë chachin chiníquën itantapi: —¡Corosëquë patanantëquëꞌ chimiꞌin! itaantapi.

Lucas 23:22

—¿Maꞌmarëtaꞌ atëpachi? Nani natanpirahuëꞌ. Co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. Topinan ahuihuitahuato, ocoiꞌi, tënin. Nani cararoꞌ inachachin itaantarin.

Juan 7:51

—Moisësë pënëntërinsoꞌ natërëhuaꞌ. Nani pënëninpoaꞌ. “Ama topinan quëran anaꞌintocosohuëꞌ. Noꞌtëquën nitotaquë huarëꞌ anaꞌintacasoꞌ yaꞌhuërin,” tënin. Napoaton canpoantaꞌ Quisoso aꞌchininsoꞌ natahuanꞌ. Naporinsontaꞌ nitotahuaꞌ. Co topinan quëran anaꞌintacasoꞌ yaꞌhuërinhuëꞌ, tënahuë, itërin.

1 Samuel 18:11

Aꞌnanaya Saonosoꞌ nansanën ihuësahuaton Tapi ohuanpirinhuëꞌ, pashicharinsoꞌ pacoitërin. Naquëranchin napotaantapirinhuëꞌ, pacoitaantarin: “Pairaquë Tapi payon payontaꞌi,” taꞌton napopirinhuëꞌ, co nanitërinhuëꞌ.

1 Samuel 19:4

Inaquë nipachina Conatani Tapi marëꞌ paꞌpin nontaton itapon: —Ama tata Tapi maꞌsha onpotëquësohuëꞌ. Inasoꞌ co manta onpotërinquënhuëꞌ. Naꞌcon catahuarinquën tëhuënchinsoꞌ.

1 Samuel 19:5

Naporoꞌ Coriato tëpapon, chiminchináchin ninin. Siniorori catahuarin niꞌton, ina quëran israiroꞌsanpoa nichaꞌërinpoaꞌ. Quëmaora chachin naporinso nicaton capa cancantëran. ¡Napoaton co tëpamaso yaꞌhuërinhuëꞌ! ¡Co manta onporinhuëꞌ! itërin.

1 Samuel 20:1

Tapi Nayoto quëran taꞌarahuaton, Conatan yaꞌhuërinquë paꞌnin. Quënanconahuaton itapon: —¡Co caso manta tëhuërahuëꞌ! ¡Co maꞌmarë tëranta anaꞌintiinacoso yaꞌhuërinhuëꞌ! Tataparin co manta onpotërahuëꞌ niꞌton: ¡Co tëpaincoso yaꞌhuërinhuëꞌ, tënahuë! itërin.

1 Samuel 20:7

Napotohuatan: “Noyapaꞌ,” topachin, co manta tëꞌhuataꞌhuaso yaꞌhuërinhuëꞌ. Napoaponahuëꞌ noꞌhuitohuachinsoꞌ, tëhuënchachin tëpaincoso nitotaran.