1 Samuel 20:30 - Chayahuita (Shahui)

³⁰ Ina natanaton, Saonoso huiꞌnin paꞌpi noꞌhuirin. Noꞌhuiton itapon: —¡Maꞌninquën chachinta niꞌton, naporan! ¡Quisi huiꞌninëꞌquën noyá nipayaransoꞌ, nani nitotërahuë! Ina marëꞌ quëmasoꞌ taparo nisaran. Mamaparinta naꞌintaran niꞌton, inanta taparo nisarin.

1 Samuel 20:30 ပူးပေါင်းရင်းမြစ်များ

Copo naporinso' 5:2

Co yonquinahuanhuëꞌ nipatëra, noꞌhuitomiatërëꞌ. Inapohuatëra chimirin yonitë pochin ninëꞌ.

Proverbios 15:2

Yonquinahuanoꞌsa nonpachinara, natanpisopitasoꞌ yonquínahuan nicaponaꞌ. Co yonquinahuanoꞌsahuëꞌ nonpachinara, anishacancantapi.

Proverbios 27:3

Naꞌpi, inotëꞌ, inapitaso paꞌpi quëquën. Co yonquinahuanhuëꞌ noꞌhuitërinsoso napoaponahuëꞌ, inapita quëran quëquën quëquën pochin ninin.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Efesios 4:31

Ama aꞌnapita noꞌhuitomaꞌ, yonquirácosohuëꞌ. Aꞌnaroáchin nanan anoyatocoꞌ. Ama noꞌhuitacamasoꞌ nohuantocosohuëꞌ. Ama noꞌhuito canainquëmasohuëꞌ. Ama iquianan quëran ninontocosohuëꞌ. Nipinocasontaꞌ co noyahuëꞌ. Ama piꞌpian tërantaꞌ co noyahuëꞌ nicosohuëꞌ.

Efesios 6:4

Canpitantaꞌ iyaroꞌsaꞌ, huiꞌnamaꞌ noya pënëncoꞌ. Ama apira apira noꞌhuicosohuëꞌ. Apira apira noꞌhuihuatamaꞌ, co natantochináchinhuëꞌ cancantaponaꞌ. Co noyahuëꞌ nipachinaꞌ, sanoanan quëran pënëncoꞌ noya nicacaiso marëꞌ. Yosë nanamën noya aꞌchintocoꞌ Quisocristo imainaꞌ.

1 Samuel 20:31

Inaso nanpirápachin, co quëmaso nanpicaso tëranta yaꞌhuërinhuëꞌ. Aquëtë huarëꞌ yaꞌhuërëtaancososoꞌ, co nanitaranhuëꞌ. Napoaton aꞌpaquë piyapinënpita macoinaꞌ. Inasoꞌ, chiminacaso yaꞌhuërin, itërin.