1 Samuel 20:3 - Chayahuita (Shahui)

³ Napotopirinhuëꞌ, Tapiriso chiníquën shaꞌhuitaantarin: —Nipayarësoꞌ tata nani nitotërin: “Tapi tëpahuato, Conatan co noyahuëꞌ cancantarin. Napoaton ama shaꞌhuichisohuëꞌ,” tosarin. Napoaponahuëꞌ, Yoscoarëꞌ co huaꞌquiya quëranhuëꞌ caso tata tëpaponco, itërin.

1 Samuel 20:3 ပူးပေါင်းရင်းမြစ်များ

2 Samuel 15:21

Napotohuachina, inariso itapon: —Sinioro yaꞌhuërin niꞌton, noꞌtëquën shaꞌhuitaranquën. Insëquësona quëma nipatan, inaquë canta nisarahuë. Nanpihuatan inaquë cantaꞌ, quëmarëꞌco nanpiarahuë. Chiminpatan inaquë cantaꞌ, quëmarëꞌco chiminarahuë, itërin.

2 Reyes 2:2

Naporoꞌ Iniasëri itapon: —Sinioro Pitiriꞌpaꞌ aꞌparinco. Quëmasoꞌ isëranchin quëparitëquë topirahuë, itërin. —¡Yoscoarëꞌ co quëparitarahuëꞌ! itërin Irisiori. Napotohuachina, cato chachin Pitiriꞌpaꞌ paꞌpi.

2 Reyes 2:4

Ina piquëran Iniasëri Irisio itaantapon: —Sinioro Quiricoquë aꞌpaantarinco. Quëmasoꞌ isëranchin quëparitëquë topirahuë, itaantarin. —¡Yoscoarëꞌ co quëparitarahuëꞌ! itaantarin Irisiori. Napotohuachina, cato chachin inatohua paantapi.

2 Reyes 2:6

Ina piquëran Iniasëri Irisio itaantapon: —Sinioro Cortaniiꞌpaꞌ aꞌpaantarinco. Quëmasoꞌ isëranchin quëparitëquë topirahuëꞌ, itaantarin. —¡Yoscoarëꞌ co quëparitarahuëꞌ! itaantarin Irisiori. Napotohuachina, cato chachin inatohua paantapi.

Salmos 116:3

Iꞌhua iquitato, “chiminapo,” topirahuë. Naporoꞌ paꞌpi tëꞌhuato, co napion ancantërahuë.

Jeremías 38:16

Napotopirahuë, poꞌoana quëran itaponco: —Sinioro ananpirinpoaꞌ. Ina niꞌsárinco co atëpataranquënhuëꞌ. Aꞌnaquën tëhuënchachin yatëparinquën. Co inapitaquë tëranta yoꞌsaranquënhuëꞌ, itërinco.

Deuteronomio 6:13

Sinioroíchin chinotocoꞌ. Inasáchin natëcaso yaꞌhuërin. Inasoꞌ huaꞌanëntërinpoaꞌ. Maꞌmarësona tëranta natëtacaiso marëꞌ shaꞌhuihuatamaꞌ, Yoscoarëꞌ taꞌtoma shaꞌhuicoꞌ.

Hebreos 6:16

Co piyapi yanatëhuachinpoarahuëꞌ, “Yosë niꞌsárinco, noꞌtëquën nontaranquën,” tënëhuaꞌ. Ina pochin nontohuatëhuaꞌ, natërinënpoaꞌ. “Noꞌtëquën nontërinpoaꞌ,” topi.

1 Samuel 1:26

Naporoꞌ Anari itapon: —Iꞌhuata apiya. ¿Yonquiran ipora iráca isëquë huëcato sacaroënquë Yosë nontërahuëso to?

1 Samuel 17:55

Coꞌhuara inapoyatëraponhuëꞌ, Saonoso sontaronënpita huaꞌan natanin. Inaso Apiniro itopi. Tapi Coriato ahuëapon paaso natanin: —Apiniro. ¿Maꞌninta pasoꞌ huiꞌnapi paꞌpin? itërin.

1 Samuel 20:2

Napotohuachina, inariso itapon: —¡Co Yosë nohuantarinhuëꞌ tatahuë tëpainquënsoꞌ! ¡Co tëpaarinquënhuëꞌ! Tatahuë maꞌsona yanipachina onpopionta shaꞌhuitërincosoꞌ, nani nitotëran. Napoaton iporanta maꞌsona nicacasoꞌ yonquihuachina, co poꞌotarincohuëꞌ, itërin.

1 Samuel 20:4

—¿Onporahuatota catahuainquën? itërin Conatani.