1 Samuel 20:23 - Chayahuita (Shahui)

²³ Yoscoarëꞌ niitatë anoyatërëso nipirinhuëꞌ, Sinioronta nani nitotërin. Co inaso naniantarinhuëꞌ, itërin.

1 Samuel 20:23 ပူးပေါင်းရင်းမြစ်များ

Génesis 16:5

Naporoꞌ Sarairi Apran itapon: —Quëma tëhuëran niꞌton, Acara nocaninco. Cari chachin acoantopiranquënhuëꞌ, iporasoꞌ huaꞌhuanaton, nocaninco huachi. Sinioro chachin inquënposona tëhuërësoꞌ anitochinpoꞌ: Quëma tëhuëmaranquën, ca aꞌna napomaraco, itërin.

Génesis 31:49

Naporahuaton Mispa itopi antaꞌ: “Nipatohuatë, co huachi niquënanarihuëꞌ. Napoaponahuëꞌ, Sinioro chachin niꞌinpoꞌ. Co insonta yaꞌhuërëquë naporëso niꞌpirinpohuëꞌ, Yosë chachin niꞌinpoꞌ. Napoaton ama huiꞌnahuëpita noꞌhuiton aparisitëquësohuëꞌ. Ama aquëtë chachin sanapiꞌsa maantaquësohuëꞌ. Ina marëꞌ Yoscoarëꞌ taꞌton shaꞌhuitoco,” itërin. Ina naporinso marëꞌ ina pochin ina noꞌpaꞌ nohuitopi.

Génesis 31:53

Canpo capini nanan yaꞌhuëhuachin, Yosë chachin anitochinpoꞌ, inquënposona tëhuërësoꞌ. Ina Yosë chachin quëmaquën tata masho Apraan, chinotërin. Caquën tata masho Nacoronta chinotërin. Inquënposo tëhuëhuatëꞌ, ina chachin anaꞌinchinpoꞌ, itërin. Napotohuachina, Cacoposoꞌ: “Caquën tata chinotërinso niꞌsárinco niꞌton, co napoarahuëꞌ,” tënin.

1 Samuel 20:24

Napotohuachina Tapisoꞌ, Conatani shaꞌhuitërinquë naꞌpirin. Tahuëririnquë pita nanihuachina, copirnoso coshatapon huënsërin.

1 Samuel 20:42

Napoin quëran Conatani itapon: —Noya paquë huachi. Catonpo chachin Yoscoarëꞌ taꞌtë nishaꞌhuitërë niꞌton, ama tëꞌhuatëquësohuëꞌ. Noya nipayatë yaꞌhuëcaso marëꞌ nani Yosë nontërëꞌ. Shinpopitanta noya ninicatona yaꞌhuëcaiso marëꞌ nani anoyatërëꞌ, itërin. Nani ninontohuachinara, Tapisoꞌ paꞌnin huachi. Yaꞌhuërëꞌ Conataontaꞌ, yaꞌhuërinquë paantarin.