1 Samuel 20:13 - Chayahuita (Shahui)

¹³ Co noyahuëꞌ yonquirapihuachinquëntaꞌ, Yoscoarëꞌ shaꞌhuitaranquën. Inapotatënquën catahuaranquën noya taꞌacaso marëꞌ. Coꞌsoꞌ inapotohuatënquënhuëꞌ, Sinioro chiníquën anaꞌinchinco. Naporahuaton ina chachin quëmanta catahuainquën. ¡Iráca tata catahuarinso pochachin nichinquën!

1 Samuel 20:13 ပူးပေါင်းရင်းမြစ်များ

2 Samuel 19:13

Naporahuaton apin Amasa itopisonta shaꞌhuitacaiso marëꞌ nanan aꞌpatërin: “Copirno naporin: ‘Quëmasoꞌ quëmopinëhuënquën. Napoaton ipora quëran huarëꞌ yaꞌipi sontaronëhuëpita quëmari camaiapon. Coapo yaꞌhuërënamën napoaran. Coꞌsoꞌ inapotohuatënquënhuëꞌ, Yosë chiníquën anaꞌinchinco, tënin copirno,’ itocoꞌ,” itërin.

2 Samuel 7:15

Napotaporahuëꞌ, inapitaso co aꞌpomiatarahuëꞌ. Saonosoꞌ tëhuërinso marëꞌ aꞌpomiatërahuë. Aꞌpomiatato, ina yaꞌhuërënamën quëma acoranquën. Inapitasoꞌ, co ina pochin nitarahuëꞌ.

1 Reyes 1:37

Naporahuaton quëma catahuarinquënso pochachin Saromonta Siniorori catahuain. Ina nohuanton quëma huaꞌanëntëran quëran noya noya inaso huaꞌanënchin, itërin.

1 Reyes 19:2

Ina natanahuaton Quisapirasoꞌ, Iniasë shaꞌhuitacaso marëꞌ aꞌnara comision aꞌparin: “Naporin Quisapira: ‘Quëmasoꞌ Paaro marëꞌ pënëntonaꞌpiroꞌsa acorahuësoꞌ, atëpatëran. Napoaton carionta atëpataꞌhuanquënso yaꞌhuërin. Tashiraya ipora pochin atëpatëransopita pochin nitaranquën. Coꞌsoꞌ inapotohuatënquënhuëꞌ, mamanshiroꞌsa chiníquën anaꞌinchinaco,’ tënin,” itërin.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Filipenses 4:9

Naꞌcon Yosë nanamën shaꞌhuitëranquëmaꞌ, natanamaꞌ. Yaꞌipi aꞌchintëranquëmasoꞌ noya natëcoꞌ. Canpitataquë yaꞌhuapo, noya ninahuë, niꞌnamaco. Ca pochachin noya nicoꞌ. Noya nipatamaꞌ, Yosë noya catahuarinquëmaꞌ. Ina nohuanton, noya niniꞌtomaꞌ, yaꞌhuaramaꞌ. Inasáchin asanocancaninpoaꞌ.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.

Rota naporinso' 1:17

Intohuasoꞌ chiminpatan, inaquë canta chiminpato paꞌpichinaco. Coꞌhuara chiminyátërapohuëꞌ patohuatënquënsoꞌ, Sinioro chiníquën anaꞌinchinco, itërin.

1 Samuel 10:7

Yaꞌipi inapita nanihuachin, maꞌsona noya nicacaso yonquiransoꞌ, niquëꞌ. Naporo Sinioro catahuararinquën huachi.

1 Samuel 14:47

Inapoaton Saono israiroꞌsa huaꞌanëntërin. Sontaronënpitarë chachin itohua itohua noꞌpanënaquë inimicoroꞌsa ahuërin. Inimiconënpitasoꞌ: Moaporoꞌsaꞌ, amonoꞌsaꞌ, itomoroꞌsaꞌ, inapita. Sopa copirno, huiristinoꞌsaꞌ, inapitarinta inimicotopi. Intohua tëranta Saono sontaronënpitarë ahuëtapona paꞌpachinara, canatëraꞌpiarin.

1 Samuel 17:37

Paꞌpiniꞌ, tocaniꞌ, inapita quëran Sinioro nichaꞌërinco. Ina chachin pasoꞌ huiristino sontaro quërantaꞌ, nichaꞌësarinco, itërin. Napohuachina Saonori itapon: —Inta nipachin. Naporan niꞌquëhuarëꞌ, paquëꞌ. Sinioro catahuainquën, itërin.

1 Samuel 18:12

Napohuachina Saonosoꞌ, Tapi tëꞌhuatërin huachi: “Siniorori inasoꞌ naꞌcon catahuarin. Caso nipirinhuëꞌ, co huachi catahuarincohuëꞌ,” taꞌton tëꞌhuatërin.

1 Samuel 19:3

Caso tataroꞌco, pastoquë naꞌpiárantaquë paꞌsarahuë. Naporoꞌ quëma marëꞌ ina nontarahuë. Ina quëran maꞌsona topachin shaꞌhuichinquën, itërin.

1 Samuel 20:12

Inaquë nipachina itaantapon: —Sinioronta niꞌsárinco niꞌton, shaꞌhuitaranquën. Inasoꞌ, yaꞌipi israiroꞌsanpoa chinotërëhuaꞌ. Tashirayahuë nipon, tashiraya aquëtëranhuë nipon, maꞌsona tatahuë yonquirapirinquënsoꞌ, natanarahuë. Noyaso yonquirapihuachinquën, shaꞌhuitaranquën.

1 Samuel 20:14

Yoscoarëꞌ inapotaranquën. Quëmanta Yoscoarëꞌ taꞌton, noyasáchin nicancosoꞌ shaꞌhuitoco. Sinioro noya niꞌninquënso pochin canta niꞌco. Chiminpatoso nipirinhuëꞌ, iso pochin niquëꞌ: Siniorori yaꞌipi inimiconënpita ataꞌhuantarin. Inapotopirinhuë tëranta ama quëmopinëhuëpitasoꞌ naniantëquësohuëꞌ. Inapitasoꞌ noyasáchin niꞌquëꞌ.

1 Samuel 3:17

Naporoꞌ Iriri natanin: —¿Maꞌta Sinioro shaꞌhuitërinquën? Ama manta canitaponcorahuëꞌ, yaꞌipi shaꞌhuitoco. Maꞌsona tëranta shaꞌhuitërinquënso canitohuatanco, quëmasá Sinioro chini chiníquën anaꞌinchinquën, itërin.