1 Samuel 2:9 - Chayahuita (Shahui)

⁹ Sinioroáchin cancantopisopita intohuaso paꞌpachinara, inari noya aꞌpaiarin. Co noyahuëꞌ cancantopisopitaso nipirinhuëꞌ, chimipiroꞌsa nisapiquë paꞌsapi. Inaquësoꞌ, yaꞌipi tashinantárin. Co insonta inaora chininënquë noya noya niacoarinhuëꞌ.

1 Samuel 2:9 ပူးပေါင်းရင်းမြစ်များ

Copo naporinso' 40:13

Yaꞌipi inapita noꞌpaquë paꞌpitërëso pochin nitëquëꞌ. Chimipiroꞌsasoꞌ, oncorapipiso pochin nitopi. Inapochachin quëmanta inapita oncorapiquëꞌ.

Copo naporinso' 5:16

Co chinipisopitahuëntaꞌ, Yosëri catahuacaso ninapi. Co noyahuëꞌ nipisopitaso nipirinhuëꞌ, sëꞌcopianantatë pochin, maꞌsha onpotaton, acopitarin.

Copo naporinso' 5:24

Pëinënquë yaꞌhuëpisopitanta maꞌhuanaponaꞌ. Pëꞌtahuanënpita pichihuatan, co pahuanaponhuëꞌ.

Salmos 1:6

Noyasáchin nipatëhuaꞌ, Sinioro aꞌpaiarinpoaꞌ. Co noyahuëꞌ nipisopitaso nipirinhuëꞌ, oshanënari naꞌintarin. Inari naꞌintarin niꞌton, taꞌhuantapona huachi.

Salmos 105:37

Inapotaton piyapinënpita Iquipito quëran ocoirin. Inapitasoꞌ orohuanatonaꞌ, pratahuanatonaꞌ, maꞌhuanoꞌsa pipipi. Papona pochin co manta onpopihuëꞌ.

Salmos 121:3

Ina aꞌpaiarinpoa niꞌton, co toꞌcoitarihuahuëꞌ. Paꞌpoyainpoaso marëꞌ co piꞌpian tëranta huëꞌëponhuëꞌ.

Salmos 121:5

Sinioro canpoasoꞌ aꞌpaiarinpoaꞌ. Ina chachin paꞌpoyararinpoaꞌ. Catahuainpoaso marëꞌ canpoa pirayan nisarin.

Salmos 121:8

Intohuasona paꞌnëhuaquë, Sinioro paꞌpoyararinpoaꞌ. Co onporonta naniantarinpoahuëꞌ.

Salmos 145:20

Sinioro nosoropisopitasoꞌ, inari paꞌpoyararin. Co noyahuëꞌ nipisopitasoꞌ, ataꞌhuantarin.

Salmos 37:28

Siniorosoꞌ, noyasáchin nipisopita paꞌyatërin. Imamiatërinsopita co onporonta aꞌpoarinhuëꞌ. Noya aꞌpairápon. Inpioroꞌsa shinpitaso nipirinhuëꞌ, ataꞌhuantapon.

Proverbios 3:26

Sinioro yonquiaton chiníquën cancantaran. Ina aꞌpaiarinquën niꞌton, co anotatë pochin nisaranhuëꞌ.

Eclesiastés 9:11

Isopitantaꞌ, isoroꞌpaquë niꞌnahuë: Taꞌapisopita nicanahuachinara, co chini chiníquën taꞌapisopitaráchin canatopihuëꞌ. Ahuëtohuachinarantaꞌ, co chiníquën cancantopisopitaráchin canatopihuëꞌ. Co yonquínahuan nipisopitaráchin cosharohuanpihuëꞌ. Co yonqui yonquicharapisopitaráchin maꞌhuanpihuëꞌ. Co nitotonoꞌsaráchin piyapiꞌsari noya niꞌpihuëꞌ. Yaꞌipinpoa capainchiaquë huarëꞌ noya ninëhuaꞌ.

Jeremías 9:23

Sinioro chachin ina pochin shaꞌhuitërinpoaꞌ. Naquëranchin Sinioro taantapon: “Aꞌnaquëma nani maꞌsha nitotëramaꞌ. Napoapomarahuëꞌ: ‘Ma noyacha caso nitotërahuë paya,’ ama tocosohuëꞌ. Chiníquënquëma nipatamantaꞌ: ‘Ma noyacha caso chinirahuë paya,’ ama tocosohuëꞌ. Nani maꞌsha yaꞌhuëtohuachinquëmantaꞌ: ‘Ma noyacha caso nani maꞌsha yaꞌhuëtërinco paya,’ ama tocosohuëꞌ.

Números 6:24

‘Sinioro chachin catahuainquën, huiꞌnanpita, pëꞌtahuanënpita, shanënpita, inapita anaꞌáchinquën. Ina chachin nosoroatënquën noya aꞌpaiꞌinquën.

Mateo 8:12

Aꞌnaquëmaso nipirinhuëꞌ, “Quiyantaꞌ Yosë piyapinënpitacoi,” topiramahuëꞌ, co natëramahuëꞌ niꞌton, co huaꞌanëntërinquë yaꞌconaramahuëꞌ. Tashinanquë tëꞌyatarinquëmaꞌ. Inaquë naꞌnëaramaꞌ, chiníquën parisitarama huachi, itërin Quisosori.

Romanos 3:19

Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

Deuteronomio 33:3

Canpoasoꞌ israiroꞌsanpoaꞌ, Sinioro nosoromiatërinpoaꞌ. Inasáchin imapatëhuaꞌ, paꞌpoyarinpoaꞌ. Inasáchin canpoaso chinotërëhuaꞌ. Maꞌpitaso camairinpoasopita ninëhuaꞌ.

1 Pedro 1:5

Tata Yosë yaꞌipiya nanitaparin. “Yosë co quënanpirëhuahuëꞌ, catahuarinpoaꞌ,” topatëhuaꞌ, noya aꞌpaiarinpoaꞌ. Maꞌsha onpohuatëhuaꞌ, catahuarinpoaꞌ ahuantacasoꞌ. Ayaroꞌ tahuëri nóya nichaꞌësarinpoaꞌ. Nani yonquirin oꞌmantacasoꞌ. Aꞌna tahuëri niꞌsarëhuaꞌ. Oꞌmantaquë huarëꞌ aꞌpaiarinpoaꞌ.

2 Pedro 2:17

Nisha aꞌchinaꞌpiroꞌsaꞌ co Quisocristo nanamën aꞌchinpihuëꞌ. Poso yanirinso pochin nipi. Yanihuachina, co huachi oꞌocasoꞌ yaꞌhuërinhuëꞌ. Inapochachin nisha aꞌchinaꞌpiroꞌsaꞌ nonpintarinënquëmaꞌ. Isontaꞌ yonquicoꞌ. Huaꞌquiꞌ co oꞌnanpachinahuëꞌ, chitoroꞌ yaráton quënanpatëra, paꞌyatopirëhuëꞌ. Panca ihuani quëpahuachina, co huachi oꞌnaninhuëꞌ. Inapochachin nisha aꞌchinaꞌpiroꞌsaꞌ nisapi. “Noya noya aꞌchintarainquëmaꞌ,” itopirinënquëmahuëꞌ, co tëhuënchachin catahuarinënquëmahuëꞌ. Nani iráca Yosëri yonquirin anaꞌintacasoꞌ. Tashinanquë aꞌpararin. Inaquë parisitáponaꞌ. Co onporontaꞌ pipiponahuëꞌ.

Judas 1:1

Ca Cotasëco ninshitaranquëmaꞌ. Santiaco iinco casoꞌ. ¿Noyanquëmaꞌ canpitantaꞌ? Cantaꞌ noya yaꞌhuarahuë. Quisocristoíchin natërahuë. Ina acorinco pënëntaꞌhuaso marëꞌ. Quisocristo imaramasopita ninshitaranquëmaꞌ. Tata Yosë nohuanton, imaramaꞌ. Inasoꞌ naꞌcon nosororinquëmaꞌ. Quisocristo imaramaꞌ niꞌton, nóya aꞌpaiarinquëmaꞌ, nichaꞌësarinquëmaꞌ.

Judas 1:13

Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.

Judas 1:3

Carinquëmaꞌ iyaroꞌsaꞌ nosororanquëmaꞌ. Iꞌhuamiáchin yonquirahuë ninshitaꞌhuanquëmaso marëꞌ. Yosë anoyacancantërinpoasoꞌ noya noya yaaꞌchintopiranquëmahuëꞌ, apira nanan natantërahuë. Aꞌnaquënsoꞌ nonpin nanan aꞌchintarinënquëmaꞌ, natantërahuë. Napoaton pënënaꞌhuanquëmasoꞌ yaꞌhuërin, tënahuë. Quisocristo nanamën noꞌtëquën aꞌchintërainquëmaꞌ. Yosë nohuanton, noꞌtëquën ninshitërai yaꞌipi imapisopita nitotacaiso marëꞌ. Nani yaꞌipiya nanamën anitotërinpoaꞌ. Inasáchin natëtomaꞌ, aꞌnapitantaꞌ aꞌchintocoꞌ noꞌtëquën yonquicaiso marë antaꞌ. Ama piꞌpian tërantaꞌ nisha aꞌchintocosohuëꞌ, tënahuë.