1 Samuel 2:5 - Chayahuita (Shahui)

⁵ Aꞌnaquënsoꞌ, huaꞌhuayátërahuë cosharohuanpi. Napoaton, pëꞌsotai huarëꞌ coshatopi. Inapopirinahuë iporasoꞌ pahuantopi niꞌton, piꞌpian tëranta capacaiso marëꞌ patrohuanpi. Aꞌnaquënso tanarápirinahuëꞌ, iporaso noyá coshatopi. Co huaꞌhuanaꞌpihuë sanapintaꞌ, canchisë huarëꞌ huaꞌhuanpitërarin. Naꞌa huaꞌhuanaꞌpiso nipirinhuëꞌ, co huachi huaꞌhuanatonhuëꞌ, copi tënin.

1 Samuel 2:5 ပူးပေါင်းရင်းမြစ်များ

Salmos 34:10

Paꞌpiniaꞌhuaroꞌsanta cosharo pahuantopi. Pahuantohuachinara, tana natanpi. Sinioroíchin yonihuatëhuasoꞌ, nani maꞌsha noya nininsoꞌ co onporo pahuantarinpoahuëꞌ.

Isaías 33:9

Shaꞌpirinahuëꞌ, co nítërinhuë niꞌton, noꞌpa chachionta sëtatona aꞌmopiso pochin ninin. Nipano tanan quëran huarëꞌ ahuiánahuanaton tapaninso pochin ninin. Saron motopianantaꞌ, inotëro pochin niconin. Pasan parti, Carmiro motopi parti, inaquënta nararoꞌsa ahuiánahuanatonaꞌ, nohuamonotopi.

Isaías 54:1

Quirosarin ninanoquë yaꞌhuëramasopitasoꞌ, sanapi co huaꞌhuanaꞌpihuë pochin nipiramahuëꞌ, capa cancantatomaꞌ, noncarocoꞌ. Capa cancantatoma cantacoꞌ. Co huaitoma iquin natanpiramahuëꞌ, Sinioro chachin naporin: “Aꞌpopiso sanapi, soꞌyahuanoꞌsa quëran, naꞌcon naꞌcon huaꞌhuinpita yaꞌhuëtapon,” tënin.

Jeremías 15:9

Canchisë huaꞌhuanpisopitantaꞌ, co huachi chiniapihuëꞌ. Huaꞌhuina tiquitopi niꞌton, paꞌyanënaquë tapinanpitëraponaꞌ. Inapoatona tapanaponaꞌ. Piꞌinta aꞌpiánpirinhuëꞌ, tashitërëso pochin cancantaponaꞌ. Aꞌnaquën chaꞌëpisopitantaꞌ, ca nohuanto inimiconënpitari tëpapon. Ca Sinioroco shaꞌhuitaranquëmaꞌ,’ tënin, itëquëꞌ,” itërinco.

Lucas 1:53

Pahuantërinsopita catahuarin nóya yaꞌhuëcaiso marëꞌ. Maꞌhuanoꞌsaso nipirinhuëꞌ, topinan aꞌparin.

Lucas 16:25

‘Coꞌchi nanitërahuë paya. Niꞌquëꞌ. Quëmasoꞌ nanpipon, nani maꞌsha yaꞌhuëtopirinquënhuëꞌ, inasáchin yonquiran niꞌton, iporasoꞌ parisitáran. Nasaroso nipirinhuëꞌ nanpipon, parisitápirinhuëꞌ, iporasoꞌ noya yaꞌhuarin huachi.

Gálatas 4:27

Iráca Yosë quiricanënquë ninshitaton, naporin: “Co huaꞌhuanaꞌpinquënhuëꞌ niponahuëꞌ, nóya cancantëquëꞌ. Co huaꞌhuanaton iquitaponahuëꞌ, capa cancantëquëꞌ. Aꞌnaꞌton soꞌyaton, huaꞌhuanin. Quëmaso nipirinhuëꞌ, naꞌcon naꞌcon amiparinpita yaꞌhuëtarinquën. Ina marëꞌ capa cancantëquëꞌ,” itërin.

Rota naporinso' 4:15

Noyá paiya nipatan, ina achinicancanarinquën, nocomarinquën. Inasoꞌ, huaꞌhuatoparin huaꞌhuin niꞌton, napotarinquën. Aꞌshionta nosoromiatërinquën niꞌton, canchisë huaꞌhuanpoa quëran naꞌcon naꞌcon paꞌtërin, itopi.

1 Samuel 1:20

Ina nohuanton cayorin huachi. Tahuëri nanihuachina quëmapiaꞌhuaya huairin. Nininën nohuitaton Samoiro itërin. Sinioro natanaton huaꞌhuaninso marëꞌ ina pochin nohuitërin.

1 Samuel 1:6

Napoaton Pininarisoꞌ co yainhuëꞌ nontërin. Naporahuaton Sinioro nohuanton co huaꞌhuanaꞌpihuë niꞌton, nocanaton tëhuarin. Noꞌhuiantërinsoꞌ nichinapon chachin napotërin.